2008 (Nr.58)

Derisa i shikojmë njerëzit se si ballafaqohen me dallgët e jetës, vërejmë se disa syresh jetën e konsiderojnë thjeshtë një fat i cili i ka goditur dhe ata, në paaftësi për tu orientuar kah ajo që për problemet e tyre do të ishte zgjidhje dhe për vështirësitë rrugëdalje, pajtohen me atë fat duke menduar se kështu duhet të jetë dunjaja. Disa të tjerë, jetën nuk e kuptojnë ndryshe përveçse si rrethana, në vorbullën e të cilave ata kanë pikur nga kush e di ku dhe e vetmja gjë që u mbetet është të aklimatizohen me ato rrethana. 

“Fitna” është një film i poshtër, Kur’ani është i mbrojtur nga Allahu, por cila është detyra e myslimanëve? - Mbrojtje dhe pastrim i Kur’anit Famëlartë nga supozimet e pavërteta të politikanit holandez

Bismilahir Rahmanir Rahim

Lavd-falënderimi i takon Zotit të botëve, përfundimi i mirë është për njerëzit e devotshëm dhe armiqësi nuk shprehim ndaj askujt përpos se ndaj zullumqarëve, ndërsa paqja e lavdërimi qofshin për pejgamberin tonë Muhamedin, por edhe për të gjithë pejgamberët e tjerë, për familjen e secilit prej tyre, për shokët e tyre dhe për të gjithë që ecin në rrugën e tyre.

Po kthehesha nga shkolla për në shtëpi. Kishte rënë muzgu i mbrëmjes. Dielli kishte skuqur horizontin e dukej që kupa e qiellit do të merrte flakë. Majat e kodrave përshëndeteshin përfundimisht për atë ditë me rrezet e tij e qytetit i falnin hijen e tyre, për të paralajmëruar ardhjen e natës me terrin e zi. Gumëzhinte rruga kryesore me trafik të dendur, dëgjohej sirena e ndonjë veture që trembte laraskat mbi degët e blirëve në trotuare; nguteshin njerëzit sikur të kishte ndodhur diçka e qendra i ngjante zgjoit të bletëve. Ajri ishte i lehtë si një vello që valëvitet me tundjen e së cilës prishej qetësia e gjetheve të drunjve të mbjellë përskaj rrugës.

Në vazhdim do të shpalosim letrën e Policit dërguar një Dijetari Islam, i cili përveç përshkrimeve të ndodhive, kishte shtuar se ato ishin bërë shkaktar kryesor që ai t’i kthehet rrugës së Allahut. Në letrën e tij kishte thënë: Shikimi i aksidenteve të ndryshme dhe viktimat e përfshira ishin gjëra të zakonshme në jetën time të përditshme, mirëpo një incident ishte krejtësisht i ndryshëm dhe dallonte nga të tjerët.