2008 (Nr.57)

Ditët që lamë pas shënuan kujtimin për lindjen e Muhamedit paqja dhe bekimi qoftë mbi të, njeriut më me influencë gjatë tërë historisë.

Asnjë segment i jetës së tij nuk mbeti misterioz dhe i panjohur, por përkundër të tjerëve, ai i ofroi njerëzimit një libër të hapur të jetës së tij ku të gjithë mund të jenë lexues dhe përfitues.

Islami ballafaqohet sot me një zgjim të mirë të myslimanëve dhe, dalëngadalë, fesë dhe bartësve të fesë është duke iu kthyer pozita. Në këtë zhvillim pozitiv, thirrja islame përballet me disa peripeci dhe sfida. Këto sfida dhe peripeci janë të zakonshme në këtë stadium të zhvillimit të fesë, veçanërisht në shoqëritë pas ateiste.

Sipas studimit të gazetës "La Liber Belgjik", del në shesh se feja Islame do të bëhet feja e parë në kryeqytetin belg, Bruksel, brenda njëzet viteve të ardhshme, kurse emri Muhamed është në majë të listës së emrave më të regjistruar që nga viti 2001.

Etapa e dytë e përplasjes – nga margjinalizimi drejt eliminimit

Etapa e re e përplasjes mes perëndimit dhe Islamit, e cila ka filluar nga viti 2007, është më e rrezikshme, sepse synon kalimin nga margjinalizimi i Islamit në eliminimin e tij, shuarjen e ndikimit të tij ndërkombëtar dhe mobilizimin e mbarë botës në armiqësinë kundër tij.