Kur ke fatin të mësosh, dëgjosh apo të fitosh diçka të mirë, me siguri ndjen një përjetim të hareshëm në thellësinë e shpirtit tënd, sepse takimi i pastërtisë së shpirtit me pastërtinë e mirësive ndjell gjallëri, meqë zemra atë e ka ushqimin më të shëndetshëm dhe më të mirë. Porse tretja e këtij ushqimi të lezetshëm arrihet duke u munduar ta përhapësh atë mirësi dhe t’ua mundësosh nevojtarëve atë ngazëllim, ndërkohë që të gjithë njerëzit janë nevojtarë. Mirëpo një gabim nuk duhet ta bëjmë, të pretendojmë dhënien e asaj që nuk e zotërojmë, sepse shpejt realiteti bëhet i qartë dhe në vend që të përjetojmë qetësinë shpirtërore do të ballafaqohemi me shpirtngushtësi dhe varfëri.

Një Ramazan i ri po vjen për muslimanët dhe ata vazhdojnë të ngelen mbrapa dhe të jenë të përçarë, edhe si rezultat i ngjarjeve politike që ndodhin sot në botë. Do të gjesh njerëz mes nesh, të cilët e përkrahin këtë forcë botërore e cila kërkon ta vendosë veten në piedestalin e një perëndie të re dhe kërkon të qeverisë dhe të nënshtrojë me politikat e saj mbarë popujt dhe kombet, duke futur hundët edhe në punët e brendshme të tyre. 

SPANJA NUK PRANON TË NDALOHET NIKABI

Parlamenti spanjoll refuzoi miratimin e ligjit për ndalimin e nikabit në vende publike, propozim i sjellë nga Partia Popullore opozitare, me pretendimin e “mbrojtjes së të drejtave të gruas”. Pas një debati më 20 Korrik 2010, kundër propozimit votuan 183 deputetë, për ndalimin e nikabit votuan 162 deputetë ndërsa dy deputetë abstenuan. Senati spanjoll në Qershor solli rezolutë jodetyruese për këtë çështje, mirëpo partia socialiste e kundërshtoi ndalimin e nikabit në vendet publike. Ministri i Drejtësisë i Spanjës Fransisko Kamanio më herët kishte deklaruar: “Veshja rrallë herë mund të ketë lidhje me të drejtat e njeriut, prandaj qeveria kundërshton miratimin e ndalesës së burkas, sepse kjo do t’i detyrojë gratë që mbajnë burka të thyejnë ligjin ose të qëndrojnë në shtëpi”. Numri i muslimanëve në Spanjë mendohet të arrijë 1 milion nga gjithsej 47 milionë banorë. Disa qytete spanjolle, sikurse Barcelona e kanë ndaluar mbajtjen e burkas në objekte publike.

Dashuria e Allahut për banorët e xhenetit:

Allahu, subhanehu ue teala, thotë: “Allahu thotë: “Kjo është Dita në të cilën të sinqertëve u sjell dobi sinqeriteti i tyre. Atyre u takojnë kopshtet, nëpër të cilat rrjedhin lumenjtë e ku do të qëndrojnë përgjithmonë. Allahu është i kënaqur me ata dhe ata janë të kënaqur me Atë. Kjo është fitorja e madhe!” (Maide, 119).

Grada të larta në xhenet, kopshte, qëndrim përgjithmonë, Allahu i kënaqur me ta dhe ata të kënaqur me shpërblimin, të cilin ua ka dhënë Allahu. Allahu është kënaqur me ta dhe asnjëherë më nuk do të hidhërohet.  “Allahu u ka premtuar besimtarëve dhe besimtareve kopshte, nëpër të cilat rrjedhin lumenj dhe ku do të banojnë përgjithmonë, si dhe pallate të mrekullueshme në Xhenetin e Adnit. Por kënaqësia prej Allahut është shpërblimi më i madh. Kjo është fitorja madhështore.” (Teube, 72) 

Falënderimi i takon vetëm Allahut, e në vijim. Dallueshmëria në të kuptuar dhe ndryshimi i perceptimeve është një karakteristikë e shfaqur mes njerëzve sikurse dallueshmëria e tyre në forma dhe ngjyra. Kështu që dallueshmëria e tyre në këtë drejtim është e njëjtë me dallueshmërinë e cilësive të tjera që ata kanë, si shpejtësia dhe pesha. Mes njerëzve ka të atillë që janë të mirë në perceptimin e gjërave, ata kuptojnë shpejt dhe janë tejet të mprehtë, porse ka prej tyre që kanë të kundërtën e këtyre cilësive dhe përsosmëria është vetëm për Allahun, ndërsa biri i Ademit është gabimtar.

Askush nga njerëzit nuk shpëton prej defektit, me përjashtim të atyre që i ka ruajtur Allahu, edhe pse sheriati ka ardhur i lehtë dhe i thjeshtë për t’u kuptuar, në atë mënyrë saqë masa e njerëzve nuk kërkon shumë mund për ta kuptuar atë. Allahu thotë në Kuran:

Besimtari i mirë është ai që jeton për Allahun, punon për Allahun, shpreson tek Allahu, i përgjërohet Allahut dhe shpreson të vdesë duke arritur kënaqësinë e Allahut. Ai kënaqet me gjithçka që i ka caktuar Allahu, urdhri i Tij është ngritje për të, ndalesat e Tij janë shpëtim, përkujtimi i Tij është gëzim, përkrahja e Tij është fitore dhe premtimi i Tij është i vërtetë. Kjo i takon Allahut dhe askujt tjetër nga krijesat. Shejtani pa reshtur përpiqet të shembë këtë qëndrim të besimtarit dhe përdor lajka e lajka, porse drita e imanit çdoherë i ka djegur planet e kobshme të armiqve në përgjithësi.