1. Kush u betua në këtë mënyrë; وَتَاللَّهِ لَأَكِيدَنَّ أَصْنَامَكُمْ بَعْدَ أَنْ تُوَلُّوا مُدْبِرِينَ
“Pasha Allahun, posa të largoheni ju, unë kam për t’ia bërë atë që duhet statujave tuaja!”
– Ibrahimi, alejhi selam.
2. Cili pejgamber u lut kundër popullit të tij me këtë lutje; َ رَبِّ انْصُرْنِي عَلَى الْقَوْمِ الْمُفْسِدِينَ “O Zoti im, më ndihmo kundër popullit të prishur!”
– Luti, alejhi selam.
3. Dy pejgamber janë vëllezër edhe babai i tyre është pejgamber?
– Ismaili dhe Is’haku (babai i tyre Ibrahimi) alejhimu selam.
4. Cilët janë dhjetë netët të cilat janë përmendur në Kuran?
– Dhjetëshi i parë i Dhulhixhes.
5. Cilën sure i nxiti gratë i dërguari i Allahut, salallahu alejhi ue selem! , që ta mësonin?
– Suren Nurë.
6. Çfarë është për qëllim në ajetin Kuranor ; إِنَّ كَيْدَكُنَّ عَظِيمٌ ” Vërtet dredhia juaj është e madhe!”
– Është për qëllim dredhia dhe kurthet e grave.
7. Për cilin ajet tha Ibn Abasi, që është më i miri?
– Fjala e Allahut; إِنَّ اللَّهَ لَا يَظْلِمُ مِثْقَالَ ذَرَّةٍ ۖ وَإِنْ تَكُ حَسَنَةً يُضَاعِفْهَا وَيُؤْتِ مِنْ لَدُنْهُ أَجْرًا عَظِيمًا ” S’ka dyshim se Allahu nuk bën pa drejtë as sa grimca, e nëse ajo vepër është e mirë, Ai e shumëfishon atë dhe Vetë Ai i jep shpërblim të madh.” (Nisa; 40).
8. Kush urdhëroi numërimin e ajeteve Kuranore dhe shkronjat?
– Haxhaxh Ibn Jusuf eth Thekafij.
9. Kur zbriti Kurani?
– Në natën e Kadrit në muajin e bekuar të Ramazanit.
10. Prej cilit vend fillon tavafi në Qabe?
– Prej gurit të zi.
11. Në cilën sure cekën poetët dhe cilësitë e tyre?
– Në suren Shuara.
12. Cili popull i vendosnin gishtat e duarve në veshët e tyre për mos ta dëgjuar thirrjen e pejgamberit të tyre?
– Populli i Nuhit alejhi selam.
13. Sa persona u vërsulën ta mbysin Salihin alejhi selam dhe e therrën deven e tij?
– 9 persona.
Ali Abdulkadir el Murejshid
Nga arabishtja; Suad Shabani
