Të afërmit nuk janë të një mase në lidhje, dashuri dhe mëshirë. Lidhjet farefisnore janë adhurim i madh, i cili nuk bëhet për shkak të njerëzve dhe le të mos mbahen për hir të njerëzve.
Besimtari i vërtetë i mban lidhjet farefisnore edhe në qoftë se farefisi e bojkoton apo distancohen nga ai, sepse ky e kryen adhurimin që e ka urdhëruar Allahu, nuk i viziton ata sepse ata e vizitojnë, mirëpo sepse këtë e llogarit si adhurim ndaj Allahut.
I Dërguari i Allahut, paqja dhe mëshira e Allahut qofshin mbi të, ka thënë: “Nuk llogaritet mbajtës i lidhjeve farefisnore, ai i cili i mban lidhjet me atë që i mban lidhjet me të, mirëpo mbajtës i vërtetë i lidhjeve farefisnore llogaritet ai i cili i mban lidhjet farefisnore edhe pse ato nuk i mbajnë lidhjet me të.”[1]
Ne e dimë se të afërmit e familjes së të Dërguarit të Allahut, paqja dhe mëshira e Allahut qofshin mbi të, i shkaktuan shumë vuajtje atij, të cilët ishin pabesimtarë mirëpo përskaj kësaj i Dërguari i Allahut, paqja dhe mëshira e Allahut qofshin mbi të, i mbante lidhjet farefisnore me to dhe thoshte: “Unë ju kam të afërm në familje dhe nxehtësitë (përleshjet) tuaja ndaj meje do ti shuaj me ujë nga shkaku se ju kam familje.”[2]
Ndërsa Allahu i drejtohet atij me gjithë luftën e tyre ndaj tij me fjalët: “Unë nuk kërkoj prej jush shpërblim përpos dashurisë farefisnore.”[3]
Kështu që poqëse ndonjë i afërm i yti sillet keq me ty, ti sillu mirë më të. Ky është mjekimi i sheriatit, të mësohesh që të keqen ta kthesh me të mirë. Ky lloj veprimi të ngrit dhe ti rrit shkallët tua te Allahu. Po ashtu të bën krenar ndaj krijesave duke të mbrojtur prej të këqijave. Allahu thotë: “Të keqen ktheje me të mirë.”[4]
Këtë virtyt nuk mund ta arrij kush pos atij i cili e shet veten e tij për Allahun, madje diçka shumë e rëndësishme që duhet kuptuar është se ky besimtarë që ka vepruar kështu e ka gëlltitur te keqen e dikujt, kurse tjetrit i ka servuar diçka të mirë, e kjo është cilësi e banorëve te Xhennetit. Allahu thotë: “Dhe ngutuni në falje mëkatesh nga Zoti juaj dhe për në një xhennet, gjerësia e të cilit është sa gjerësia e qiejve dhe tokës, i përgatitur për të devotshmit. Të cilët japin kur janë shlirë edhe kur janë në vështirësi dhe që e frenojnë mllefin, që ua falin (të keqen) njerëzve, e All-llahu i do bamirësit.”[5] Kështu që poqëse distancohesh nga të afërmit e tu, atëherë nuk e ke kryer këtë adhurim siç duhet dhe ke rënë në kurthin e shejtanit dhe pasuesve të tij.
Një njeri erdhi tek i Dërguari i Allahut, paqja dhe mëshira e Allahut qofshin mbi të, dhe i tha: Unë shkoj te familjarët e mi e ata nuk vijnë tek unë, unë sillem mirë me ta e ata sillen keq me mua, sillem butësisht ndaj tyre e ata këtë nuk ma vlerësojnë? – I Dërguari i Allahut, paqja dhe mëshira e Allahut qofshin mbi të, i tha: “Poqëse është e vërtet kjo që thua, kjo është sikur t’ju japësh atyre mirësi dhe poqëse vazhdon kështu do ta kesh Allahun ndihmësin tënd.”[6]
Përgaditi: Nexhat Ceka
[1] Transmeton Buhariu.
[2] Transmeton Muslimi.
[3] Shura: 23.
[4] Mu’minun: 96.
[5] Ali Imran: 133,134.
[6] Transmeton Muslimi.
