HADITHI:
Ibn Mesudi (Allahu qoftë i kënaqur prej tij) përcjell dhe thotë: “i dërguari i Allahut (paqja dhe bekimi i Allahut qofshin mbi të) ka thënë: “Njerëzit më afër meje ditën e Kiametit do të jenë ata të cilët më së shumti më kanë dërguar salavate.”
KOMENTI:
Përmendja e këtij hadithi në kapitullin e lutjeve ndoshta është për arsye se prej etikës së lutjes është të lavdërohet Allahu, e më pas të dërgohen salavate mbi të dërguarin, e më pas të lutet me lutjet e tija.
Në këtë hadith theksohet vlera e dërgimin të salavatit mbi profetin (paqja dhe bekimi i Allahut qofshin mbi të), dhe atë se kush dërgon salavate më së shumti do të jetë më afër pozitës së tij ditën e Kiametit.
është thënë: atë e arrin shefati (ndërmjetësimi) i të dërguari (paqja dhe bekimi i Allahut qofshin mbi të), pra “Njerëzit më të parët” ndërmjetësimit tim, apo “me pozitë më të afërt”.
Pra, ky hadith flet për vlerën e salavatit, posaçërisht në lutje, dhe tregon për lejueshmërinë e shpeshtimit të salavatit, që është një e drejtë e tij mbi ne, pra e drejtë e të dërguari (paqja dhe bekimi i Allahut qofshin mbi të) mbi ne është të dërgojnë paqe dhe bekime mbi të, për arsye se Allahu na urdhëroi me një gjë të tillë: “Me të vërtetë, Allahu dhe melaqet e Tija qojnë salavate mbi profeti . O besimtarë, qoni salavate dhe selame për te.” Sureja Ahzab, 56.
Dijetari i njohur ibnul Kajim (Allahu e mëshiroftë) në librin e tij (Xheleul Efhem, fq. 169) gjatë shtjellimit të bisedës mbi salavatin e Allahut dhe të melaqeve mbi të dërguarin (paqja dhe bekimi i Allahut qofshin mbi të) si dhe urdhërin mbi besimtarët që ata të shprehin salavate mbi të, pasi që dha kundërpërgjigjen e tij që kuptimi i salavatit në ajet të ketë qenë: mëshirë dhe kërkim falje (istigfar) për profetin, ai tha: “Salavati me të cilin jemi urdhëruar në këtë ajet (të sures Ahzab) është: kërkesë prej Allahut pasi që tregoi për salavatin e Tij dhe atë të melaqeve e që nënkupton: lavdërimin e profetit, shfaqjen e vlerës dhe pozitës së tij, dëshirën për ta nderuar dhe afruar, kështu që ky ajet përmban lajmërim dhe kërkesë, e që kjo kërkesë e kjo lutje nga ne është quajtur salat për dy aspekte:
I pari: Fjala (صلاة) salat nënkupton lavdërim ndaj atij që shprehet, ngritje duke përmëndur vlerën dhe nderimin e tij, dëshirë dhe dashuri prej Allahut, kështu që kjo fjalë përmban lajmërim dhe kërkesë.
Dy: është quajtur “salat” ngaqë ne kërkojmë prej Allahu që Ai të shpreh salavate mbi të, e salavati i Allahu mbi të është: lavdërimi i tij që ta ngris emrin e tij e ta bën më të afërt, ndërsa salavati jonë ndaj tij është: kërkojmë prej Allahut të madhëruar që Ai ta bëjë këtë për të.
Ndërsa kuptimi i fjalës (التسليم) “teslim” mbi të dërguarin (paqja dhe bekimi i Allahut qofshin mbi të)
E përmend Mexhd Fejruz Abadi në librin e tij (Es-Salatu vel Busher): “(teslimi) kankuptimin: Selam që është një prej emrave të Allahut, që ka kuptimin: mos u ndafsh nga të mirat e begatitë, shpëtofsh nga të këqijat e sëmundjet; pasi që emri i Allahut përmendet në gjërat, që të bashkon kuptimet e mirësisë dhe begatisë, dhë për t’i ikur problemeve dhe fatkeqëisve që na ekspozohen.
Njashtu mund të ketë kuptimin e shpëtimit, pra: Qoftë gjykimi i Allahut për ty shpëtim, nga gabimet e mangësitë.
Nëse thua: O Allah (سلم) “selim” dërgo shpëtim mbi Muhamedin, ti ke për qëllim: O Allah qo shpëtim për Muhamedin në thirrjen, umetin dhe përmendjen e tij, nga çdo e metë, kështu që thirrja e tij përgjatë çdo dite vetëm se ritet, umeti i tij shtohet, dhe emri i tij më shpesh përmendet.”
1. E shënon Tirmidhiu me numër (484). Ibn Hibani me numër (911), ndërsa shejh Albani në librin e tij (Shënime mbi Sahihun e ibn Hibanit, 2/259) ka thënë: “hadithi është hasen ligajrihi.”
Ebu Hatim ka thënë: “Ky hadith është argument se më së afërmi pranë të dërguarit të Allahut (paqja dhe bekimi i Allahut qofshin mbi të) në ditën e Kiametit janë ithtarët e hadithit, pasi nuk ka në këtë umet kush dërgon më tepër salavate se ata.”
Autor: Salih ibn Feuzan el Feuzan
HADITHE MBI MORALIN DHE ETIKËN TË PËRMBLEDHURA NGA LIBRI (BULUG EL MERAM)
HADITHI I GJASHTËDHJETË E NJË
Përktheu: Shpend Zeneli
Burimi: albislam.com
