Në Emër të Allahut, falënderimi i takon Allahut, ndërsa salavatet qofshin mbi të Dërguarin e Allahut sal-lAllahu alejhi ue sel-lem, familjen e tij, shokët e tij dhe gjithë pasuesit e tij.
O Allah, mos na bën neve prej të privuarve.
Nëse këtë vit nuk ke pasur mundësi ta bësh haxhin, atëherë mos e privo veten tënde prej veprave që marrin vlerën e haxhit dhe umres.
Prej tyre:
1. Shkuarja e njeriut në xhami për të prezantuar në ligjërata, mësime të diturisë ose të përfitojë dituri të reja. – I Dërguari i Allahut sal-lAllahu alejhi ue sel-lem, ka thënë: “Kush shkon në xhami dhe me atë nuk synon vetëm se marrjen e diturisë apo mësimin e të tjerëve, e ka shpërblimin e një haxhi të plotë.” [Sahih Et-Tergib, nr. 86]
2. Shkuarja e njeriut në xhami me abdest për të falur namazet obligative. – I Dërguari i Allahut sal-lAllahu alejhi ue sel-lem, ka thënë: “Kush del nga shtëpia e tij për t’i falur namazet e obliguara (në xhami), shpërblimi i tij është sikurse haxhiu muhrim dhe kush del për në tesbihun (namazin) e duhasë duke mos u preokupuar me asgjë tjetër, shpërblimi i tij është sikurse i atij që e kryen umren. Ndërsa namazi pas namazit duke mos folur fjalë të këqija është libër në il-lijjine[1].” [Sahih Et-Tergib, nr. 675]
3. Njeriu ta fali namazin e sabahut në xhami pastaj të qëndrojë (duke përmendur Allahun) derisa të lind dielli. – I Dërguari i Allahut sal-lAllahu alejhi ue sel-lem, ka thënë: “Kush fal namazin e sabahut me xhemat, pastaj ulet dhe e përkujton Allahun derisa të lind dielli e pastaj ngritet dhe fal dy rekate, do të arrijë shpërblimin e një haxhi dhe umreje të plotë, të plotë, të plotë.” [Es-Silsileh Es-Sahihah, nr. 3403]
____________________________________________
[1] Il-lijine – sipas disa komenteve, është qielli i shtatë ku qëndrojnë shpirtrat e besimtarëve. Ibn Abbasi, Allahu qoftë i kënaqur prej tij, mendon se është Xhenneti. Shih: Ibni Kethir, Tefsir El-Kur’ani El-Adhim, kaptina: El-Mutaffifin, ajeti: 18.
Shejh Muhammed Husejn Jakub
Përktheu nga arabishtja: Amir Shabani
