Aisheja, radijAllahu anha, përcjell e thotë: I thash të dërguarit të Allahut: Ibn Xhuda’n në kohën e injorancës mbante lidhjet farefisnore dhe ushqente të varfërit, a thua kjo i bën dobi atij? Ai u përgjigj: Nuk i bën dobi; Ai asnjë ditë nuk tha: O Zot! Mi fal gabimet e mia ditën e Gjykimit”. Shënon Muslimi
Kuptimi i përgjithshëm i hadithit
Abdullah ibn Xhuda’n Temimi ishte një prej njerëzve në kohën e injorancës i njohur me bujari, i cili kishte një kazan, të cilin e kishte përgatitur për të ushqyer të varfërit. Për një njeri që gjendja e tij është e tillë njerëzit interesohen për të njohur hallin e tij pas vdekjes, posaçërisht nëse është nga të afërmit e tij!
Në këtë rast Aisheja, radijAllahu anha, pyeti të dërguarin, sal-Allahu alejhi ve selem, për të, e për hallin e tij pas vdekjes, mes tyre kishte lidhje farefisnore, e i dërguari, sal-Allahu alejhi ve selem, iu përgjigj në mënyrë të qartë pa asnjë lloj hutie e paqartësie, se nuk i bën dobi vepra e tij, duke shpjeguar arsyen se ai asnjë herë nuk tha: O Zot, më mua fal gabimin tim, ditën e Kiametit. Pra, ai asnjëherë nuk besoi në ringjallje, e një person i cili e mohon ringjalljen ai është jobesimtar, e jobesimtarit Allahu nuk i pranon veprat, por, Allahu e begaton atë, dhe e shpërblen në këtë botë për veprat e mira që ka vepruar, duke i shtuar atij pasuri, fëmijë, apo t’ia zgjat jetën, apo t’i jep shëndet, apo edhe t’ia jep gjitha këto. “Zoti yt, nuk i bën askujt padrejtësi.” Kehf, 49.
Dobi nga hadithi
- Besimi është kusht i pranimit të veprave të mira, e përfitimit prej tyre në ahiret.
- Allahu nuk e fal politestin ditën e Kiametit.
- Veprat e mira që i vepron një politesit nuk i bëjnë dobi ditën e Kiametit.
- Kush nuk beson në ringjallje ai është jobesimtar.
HADITHI I TREMBËDHJETË
DYZET HADITHE RRETH BESIMIT (AKIDES)
Përktheu: Shpend Zeneli
Burimi: albislam.com
