Nga ibn Abbasi, Allahu qoftë i kënaqur me të, përcillet të ketë thënë:
“I Dërguari i Allahut, (paqja dhe lavdërimi i Allahut qofshin mbi të), ishte njeriu më bujar, e veçanërisht në Ramazan, kur e takonte Xhibrili, takoheshin për çdo natë, e ia mësonte Kuranin. I Dërguari i Allahut ishte më bujar në mirësi sesa flladi i erës.”
E shënon Buhariu dhe Muslimi.
Ky hadith na mëson që të jemi edhe më bujarë në muajin Ramazan, kështu duke ndjekur edhe traditën e profetit (alejhi selam), qoftë duke shtruar ushqim, apo duke ftuar të tjerët për iftare, me ndihmë ndaj nevojtarëve, e duke u interesuar për gjendjen e fqinjëve e të afërmve.
Shoqërimi i agjërimit me vepra të mira është shkak i faljes së mëkateve, mbrojtjes nga xhehenemi dhe përfitimit të shpërblimeve.
I dërguari i Allahut (paqja dhe bekimi i Allahut qofshin mbi të) takohej me melaqen më të dalluar, Xhibrilin, e padyshim se shoqërimi me të linte gjurmë, posaçërisht kur ata dy lexonin Librin më fisnik, Kuranin Famëlartë, sa që Kurani personifikohej në moralin e tij.
Jemi në muajin Ramazan, të shfrytëzojmë momentet për shoqërim me Kuranin, kështu të jemi më bujarë.
#përkthim
Hoxhë Shpend Zeneli
