Muaji i Ramazanit është muaj me shumë begati. Një prej tyre është se është një gjasë shumë e volitshme që besimtari ta rrijë devotshmërinë.
Allahu i madhëruar ka thënë:
يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ (183)
“O ju që besuat, agjërimi u është bërë obligim sikurse që ishte obligim edhe i atyre që ishin para jush, kështu që të bëheni të devotshëm.“ Bekare, 183
Poqëse e arrinë devotshmërinë, të hapen dyer në jetën tënde?
E para: rrugëdalje (zgjidhje) dhe furnizim
وَمَن يَتَّقِ اللَّهَ يَجْعَل لَّهُ مَخْرَجًا (2) وَيَرْزُقْهُ مِنْ حَيْثُ لَا يَحْتَسِبُ
“ … e kush u përmbahet dispozitave të All-llahut, atij Ai i hap rrugë,
dhe e furnizon atë prej nga nuk e kujton fare. … “ Talak, 2, 3
E dyta: lehtësim të çështjes
وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْرًا (4)
“… E kush i frikësohet All-llahut, Ai atij ia lehtëson punën “ Talak, 4
E treta: falje të mëkateve dhe zmadhim I shpërblimit
وَمَن يَتَّقِ اللَّهَ يُكَفِّرْ عَنْهُ سَيِّئَاتِهِ وَيُعْظِمْ لَهُ أَجْرًا
“ … e kush e ka frikë All-llahun, Ai atij ia shlyen të këqijat dhe ia shton shpërblimin.“ Talak, 5
E katërta: udhëzim
يَا أَيُّهَا الَّذِينَ آمَنُوا إِن تَتَّقُوا اللَّهَ يَجْعَل لَّكُمْ فُرْقَانًا وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ ۗ وَاللَّهُ ذُو الْفَضْلِ الْعَظِيمِ (29)
“ O ju që besuat, nëse keni frikë All-llahun, Ai do të vërë udhëzim (në zemrat tuaja) për ju, do t’ua mbulojë të këqijat, do t’ua falë mëkatet. All-llahu është dhurues i madh. “ Enfal: 29
E pesta: xhenet
تِلْكَ الْجَنَّةُ الَّتِي نُورِثُ مِنْ عِبَادِنَا مَنْ كَانَ تَقِيًّا ﴿63 مريم﴾
“Ato janë xhennetet që do t’ua trashëgojmë robve Tanë që ishin të ruajtur. “ Merjem, 63
Allahu na bëftë nga të devotshmit!
Ali Shabani
