Allahu,- xhele ue ala!,- thotë:
فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا
“Betohem në Zotin tënd, se ata nuk do të jenë besimtarë të vërtetë, përderisa mos të marrin ty për arbitër, për ato konflikte që ekzistojnë ne mes tyre; e pastaj, të mos ndiejnë kurrfarë dëshprimi ndaj gjykimit tënd dhe të të binden ty plotësisht.” (Nisa: 65).
وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ ۗ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا
“Dhe nuk është për besimtarin dhe besimtaren – kur Allahu dhe Pejgamberi i Tij e caktojnë një gjë – ata të bëjnë zgjedhje në atë gjë. Kush e kundërshton Allahun dhe Pejgamberin e Tij, ai me siguri ka humbë.” (Ahzab: 36).
إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا ۚ وَأُولَٰئِكَ هُمُ الْمُفْلِحُونَ
“Vetëm është fjala e besimtarëve, kur ata të thirren te Allahu dhe Pejgamberi i Tij, që t’i gjykojë në mes tyre, për të thonë: “Dëgjojmë dhe përulemi!” Dhe, këta me siguri janë të shpëtuar.” (Nurë: 51).
فَلْيَحْذَرِ الَّذِينَ يُخَالِفُونَ عَنْ أَمْرِهِ أَنْ تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيم.
“Le të kenë frikë ata që i kundërshtojnë urdhërit të tij, që të mos i arrijë ndonjë sprovë ose që të mos i godas ata dënimi i dhembshëm.” (Nurë: 63).
Transmetohet nga Ebu Hurejra,- Allahu qoftë i kënaqur me të!,- se ka thënë: Muhamedi,- sal-Allahu alejhi ue selem!,- ka thënë: “I gjithë umeti im do të hyjnë në xhenet përveç atyre që refuzojnë! Sahabët pyetën: E kush janë ata që refuzojnë o i Dërguari i Allahut? Ai,- sal-Allahu alejhi ue selem!,- iu përgjigj sahabëve duke iu thënë: “Kush më bindet mua ai do të hyjë në xhenet, ndërsa kush nuk më bindet mua ai veçse ka refuzuar.” (Shënuan: Buhariu: 13/239(7280).
Komentim i përgjithshëm:
Bindja ndaj Muhamedit, alejhi selam, dhe refuzimi i çdo fjale e kujdo qoftë prej krijesave, kur thotë diçka pejgamberi, alejhi selam.
Kjo njëherit është edhe shtylla e dytë, mbi të cilat ndërtohet Islami.
Feja ngrihet (ndërtohet) mbi dy shtylla bazore, e ato janë: 1. Që mos të adhurohet askush pos Allahut dhe 2. Bindja dhe nënshtrimi ndaj Muhamedit, alejhi selam.
Nuk ka rrugë tjetër e cila shpie drejtë udhëzimit, lumturisë dhe shpëtimit nga fitnet (sprovat) e ndryshme përpos se përmes rrugës së bindjes ndaj Muhamedit, alejhi selam.
Njashtu, nuk ka rrugë më të sigurt e cile shpie në xhenetin e Allahut, përpos se përmes rrugës së bindjes ndaj Muhamedit, alejhi selam.
Çka mësojmë dhe përfitojmë nga kjo hytbe e shkurtër:
- Obligueshmëria ndaj bindjes, nënshtrimit dhe rrespektimit të Muhamedit, alejhi selam.
- Obligueshmëria e anashkalimit, refuzimit të çdo thënie e kujdo qoftë ajo nga krijesat e Allahut, para thënies (fjalës) së Muhamedit, alejhi selam.
- Një nga shkaqet kryesore e hyrjes në xhenet është bindja ndaj Muhamedit, alejhi selam.
- Mosrrespektimi, mosbindja, mosnënshtrimi dhe refuzimi i Muhamedit, alejhi selam apo fjalëve të tij, është shkak kryesor i hyrjes në fitnet (sprovat) e ndryshme dhe në dënimet e ndryshme (në dynja dhe ahiret).
Autor: Rrashid Ibn Husejn AbdulKerim
Burimi: albislam.com
Nga arabishtja: Suad Burhan Shabani
