Ibën Kajimi thotë:
“Dije se arritja e njerëzve te Haudi dhe pierja prej aty ditën e Etjes së Madhe është i lidhur ngushtë me arritjen apo qasjen e njerëzve në Sunetin e Pejgamberit salallahu alejhi ue selam dhe pierjes së tyre nga ai, pra Suneti.
Shembulltyra më e përkryer e njerëzimit është Muhamedi, lavdia dhe paqja e Allahut qofshin mbi të. Suneti i tij është rruga e qartë e cila të çon drejt shpëtimit si në këtë botë poashtu edhe në tjetrën. Nuk kemi alternativë tjetër pos të ndjekim Sunetin pejgamberik ngase siç di shprehej Imam Maliku: “Suneti është anija Nuhit a.s. kush hip në të shpëton, ai që refuzon, fundoset. Më poshtë do të sjell një citat shumë të rëndësishëm që spjegon rëndësinë e pasimit të Sunetit.
Ai që i afrohet Sunetit në këtë botë, pi nga ai dhe ngopet, do të arrijë të Haudi në Botën Tjetër, do të pijë prej tij dhe do ngopet duke larguar etjen.
I Dërguari i Allahut ka dy haude të mëdha: -Haudi i dunjasë që nënkupton Sunetin dhe tërë atë me të cilën u dërgua ai te njerëzit.
-Haudi i Ahiretit.
Ata që pijnë nga Haudi i tij i dunjasë do jenë ata që do të pijnë nga Haudi i tij në Ditën e Kiametit.
Pra, dikush do të mund të pijë, dikush do të privohet, dikujt i jepet pak e dikujt shumë.
Pejgamberi së bashku me melekët do t’i dëbojnë nga Haudi i Ahiretit ata të cilët janë larguar nga Suneti i tij në dunja dhe kanë preferuar alternativë tjetër përpos Sunetit të tij.
Kush etet në dunja ngaqë nuk ka pirë nga Suneti i Pejgamberit, në Botën Tjetër do jetë edhe më i etur dhe më i djegur”
Agim Bekiri
12/02/2022
