Njerërzit në përgjithësi dëshirojnë të udhëtojnë nëpër vende të bukura, të shohin gjëra të bukura, të përjetojnë çaste të mira dhe të shoqërohen me njerëz të mirë. Mirëpo, udhëtimi më i këndshëm dhe më i bukur është atëherë kur besimtarët pasi të kalojnë Urën e Siratit do të udhëtojnë për kah Xhenneti.
Gjerësia e tij është sa gjerësia e qiejve dhe e tokës. Në të ka gjëra që syri nuk i ka parë, veshi nuk i ka ndëgjuar dhe as mendja nuk i ka paramenduar. Në këtë udhëtim njeriu do të jetë bashkë me njerëzit më të mirë që kanë jetuar në këtë botë: me pejgamberët, me njerëzit besnik, me dijetarët dhe me shehidat. Kënaqësia më e madhe e këtij udhëtimi është se në mesin e tyre do të jetë i Dërguari i Allahut dhe që të gjithë me padurim presin takimin me Krijuesin e gjithësisë dhe shikimin e Fytirës së Tij të bukur.
Allahu në Kur’anin famëlartë thotë:
“Kurse ata të cilët kanë pasur frikë prej Zotit të tyre do të udhëtojnë për në Xhennet grupe-grupe, e kur të arrijnë aty dyert e Xhenetit i gjejnë të hapura, dhe roja u thotë atyre: Shpëtimi qoftë mbi ju! Qofshi të shpëtuar, ishit të mirë, hyni në të, aty do të jeni përgjithmonë.” Zumer 73.
Lusim Allahun e Madhërishëm që ta përjetojmë këtë udhëtim pa u dënuar dhe pa u llogaritur.
Amin.
Përshtati: Hoxhë Ismail Asllani
