1. Vlera e meditimit të Kuranit! I dërguari i Allahut, salallahu alejhi ue selem! , u zgjua natën dhe e kaloi natën deri në mëngjes duke përsëritur ajetin; إِنْ تُعَذِّبْهُمْ فَإِنَّهُمْ عِبَادُكَ ۖ وَإِنْ تَغْفِرْ لَهُمْ فَإِنَّكَ أَنْتَ الْعَزِيزُ الْحَكِيمُ
“Nëse i dënon ata, në të vërtetë ata janë robër Tu, e nëse u falë atyre, Ti je i gjithëfuqishmi, i urti.” (Maide; 118).
Ibn Kajimi, rahimehullah, ka thënë; “Çdoher që kalonte tek ndonjë porosi Kuranore që kishte nevoj në ato momente për të, për ta shëruar dhe qetësuar zemrën e tij e përsëriste rreth njëqind herë brenda një nate atë! Andaj, duke u nisur nga ky veprom profetik, mësojmë se leximi i një ajeti Kuranor me meditim është më me vlerë sesa leximi i tërë Kuranit pa meditim dhe pa kuptim. Pra, leximi i Kuranit me meditim është më dobiprurës për zemrën, më plotësues për imanin dhe më shijues i leximit të Kuranit!
Miftah Dar es Sea’deh; 1/187
2. Vlera e meditimit të Kuranit! Allahu, xhele ue ala, ka thënë; Meditime Kuranore! إِنْ تُعَذِّبْهُمْ فَإِنَّهُمْ عِبَادُكَ ۖ وَإِنْ تَغْفِرْ لَهُمْ فَإِنَّكَ أَنْتَ الْعَزِيزُ الْحَكِيمُ
” Nëse i dënon ata, në të vërtetë ata janë robër Tu, e nëse u falë atyre, Ti je i gjithëfuqishmi, i urti.” (Maide; 118).
Nuk përfundoi ajeti me emrat e Allahut el Gafur(mëkatfalës) dhe err Rrahim(mëshirues), ngase këtu është gjendje hidhërimi dhe hakmarrje ndaj atyre që i kanë shoqëruar Allahut shok në adhurim, andaj më parësore ishte të ceket fuqia dhe urtësia e Allahut në fund të ajetit se mëshira e Tij.
3. Vlera e Kuranit! Allahu, xhele ue ala, ka thënë; وَهَٰذَا كِتَابٌ أَنْزَلْنَاهُ مُبَارَكٌ مُصَدِّقُ الَّذِي بَيْنَ يَدَيْهِ وَلِتُنْذِرَ أُمَّ الْقُرَىٰ وَمَنْ حَوْلَهَا ۚ وَالَّذِينَ يُؤْمِنُونَ بِالْآخِرَةِ يُؤْمِنُونَ بِهِ ۖ وَهُمْ عَلَىٰ صَلَاتِهِمْ يُحَافِظُونَ
” Edhe ky (Kur’an) është libër që e zbritëm; është i bekuar, vërtetues i të mëparshmes, e që t’i tërheqesh vërejtjen nënës së fshatrave (të banorëve mekas) dhe atyre përrreth saj (mbarë botës). Ata që e besojnë Ahiretin, besojnë në të (Kur’anin), ata edhe e falin namazin rregullisht.” (En’am; 92).
Ata që e mësojnë Kuranin dhe punojnë sipas tij, të tillët do mbulohen nga të mirat e dunjasë dhe të ahiretit. Disa dijetarë të tefsirit kanë thënë; ” U angazhuam ne Kuranin dhe na vini të mirat e dunjasë nga as nuk e prisnim e as nga nuk na shkonte mendja.”
Shejh Muhamed Emin Shinkiti, rahimehullah Mukadime adhbul munir; 1/7
4. Vlera e meditimit të Kuranit! Allahu, xhele ue ala, ka thënë; وَلَا تُفْسِدُوا فِي الْأَرْضِ بَعْدَ إِصْلَاحِهَا
” Mos bëni çrregullime në tokë pas rregullimit të saj.” (A’raf; 56).
Shejh Muhamed Emin Shinkiti, rahimehullah, mbeti prej namazit të akshamit deri në namazin e jacis duke qajtur pasi filloi ta komentoj këtë ajet Kuranor, dhe e përsëriste fjalën; Tokën e rregulloi Allahu kurse njerëzit po e çrregullojnë!! A do bëhesh vëlla i nderuar t’i shkak që të rregullohet toka pas çrregullimit të saj, sidomos pasiqë lexove këtë ngjarje të bukur!?
5. Pasimi i epshit! Allahu, xhele ue ala, ka thënë; وَمَنْ أَضَلُّ مِمَّنِ اتَّبَعَ هَوَاهُ بِغَيْرِ هُدًى مِّنَ اللَّهِ إِنَّ اللَّهَ لاَ يَهْدِي القَوْمَ الظَّالِمِينَ
“… e kush është më i humbur se ai që duke mos pasur fakt prej Allahut, ndjek epshin e vet? S’ka dyshim se Allahu nuk udhëzon popullin zullumqar.” (El Kasas; 50).
Përvetësimi i traditave të huaja festive qoftë edhe formalisht mbjell afërsi në zemrat e njerëzve. Pasimi i të krishterëve dhe të tjerëve nga muslimanët, sidomos në festat e tyre, reflekton gëzimin dhe kënaqësinë me to. Me këtë veprim të muslimanëve lartësohen bindjet fetare me prejardhje joislame. Muslimani është i obliguar t’i refuzojë dhe të mos i festojë festat e tyre(festat joislame).
6. Shirku dhe dëmet e tij! Allahu, xhele ue ala, ka thënë; وَتِلْكَ الْقُرَىٰ أَهْلَكْنَاهُمْ لَمَّا ظَلَمُوا وَجَعَلْنَا لِمَهْلِكِهِمْ مَوْعِدًا
“Ato janë fshatra (vendbanime) që kur bënë zullum, Ne i shkatërruam dhe për shkatërrimin e tyre u patëm caktuar kohë të sakta” (Kehf; 59). Zullumi, padrejtësia më e madhe është shirku dhe kjo bëri që të shkatërrohen popujt e mëparshëm.
Nga arabishtja; Suad Shabani
