Në emër të Allahut, Gjithëmëshirshmit, Mëshiruesit
Një shok i imi, Allahu i dhashë të mira, më ka treguar: Falënderimi i takon Allahut azze ve xhel-le, që kur e njoha veten nuk mund të bëj gjumë, ndërsa në zemrën time të ketë, mllef, inat apo xhelozi për ndonjë prej myslimanëve! Shërimi është shumë i lehtë me lejen e Allahut, vazhdon të thotë: Çdo herë që më ndodhte ndonjë ndodhi, e ndjeja se më le gjurmë në zemër, merrja abdes dhe falja dy reqate namaz, bëja lutje për atë që më ka bërë padrejtë në sexhde, apo unë i kam bërë padrejtë, ashtu siç lutem për veten time për të mirat e dynjasë dhe ahiretit.
Kujtova hadithin e atij sahabiu, për të cilin kishte dëshmuar i Dërguari salallahu alejhi ue selem se është prej banorëve të xhenetit:
Në hadithin që e transmeton Enes ibn Maliku radijallahu anhu tregohen për sahabiun për të cilin ka dëshmuar i Dërguari salallahu alejhi ue selem për xhenet, tre herë në tre ditë. I shkoi pas Abdullah ibn Amr ibn As radijallahu anhuma, që të vepron si ai. Qëndroi me të tre ditë radhas, e nuk pa një vepër shtesë prej veprave të tija, nuk vepronte natën asgjë, pos që kur zgjohej dhe rrotullohej në shtratin e tij përmendte dhe madhëronte Allahun azze ve xhel-le deri sa të vinte koha e namazit të sabahut. Nuk ë dëgjoi duke thënë diç, vetëm se fjalë të mira. Pasi kaluan tre ditë, Abdullahu gati se nuk e nënçmoi punën e këtij sahabiu. E pyeti dhe i tha: ç’është ajo me të cilën ke arritur atë që e tha i dërguari salallahu alejhi ue selem? Tha: Nuk është diçka tjetër vetëm se unë kur shoh tjerët, nuk mbaj në zemër për asnjë prej myslimanëve mashtrim, as nuk kam zili për dikë që Allahu i ka dhen një mirësi. Atëherë Abdullah ibn Amr tha: Me të vërtetë kjo është ajo me të cilën ti e ke arritur, e që ne nuk mundemi. E transmeton Nesaiu.
Vëlla i nderua, Allahu të gëzoftë në dynja e ahiret, medito këtë hadith.
Ebu Hurejra radijallahu anhu ka thënë: i Dërguari salallahu alejhi ue selem ka thënë: “Nuk lejohet për myslimanin që të heq dorë nga vëllai i tij më tepër se tre ditë, kush heq dorë më tëpër se tre ditë dhe vdes, do të hyjë në zjarr”. Albani, Allahu e mëshiroftë, e ka vlerësuar të vërtetë në librin “Sahih Ebu Davud”.
Vëlla i dashur, a e di se veprat çdo të hënë dhe të enjte ngritën tek Allahu, e Allahu në atë ditë ia falë çdo secili që nuk i ka bërë shirk Atij, pos një njeriu (nuk i falë) që mes tij dhe vëllait të vet ekziston mllef, mbështetur në hadithin e Ebu Hurejres radijallahu anhu se i dërguari salallahu alejhi ue selem ka thënë: “Dyert e xhenetit hapen ditën e hënë dhe ditën e enjte, e Allahu ia falë çdo myslimani që nuk i ka bërë shirk Allahut në asgjë, pos një njeriu që mes tij dhe vëllaut të vet ka inatë, e ju thuhet (melaqeve): Lëni këta të dy deri sa të pajtohen, lëni këta të dy deri sa të pajtohen, lëni këta të dy deri sa të pajtohen”. E transmeton Muslimi.
Prej shkaqeve që shërojnë zemrën, janë:
1- Lutja e shpeshtë drejtuar Allahut, për t’ja shëruar zemrën.
2- Përmendja e vazhdueshme e Allahut, në çdo gjendje.
3- Largimi nga rënia në gjynahe e mëkate.
4- Shpeshtimi i veprave të mira.
5- Largimin e të keqes me të mirë.
6- Përhapja e përshëndetjes me selam.
7- Dhurata.
8- Stimulimi në vepra të mira.
9- Falja e tjerëve, tolerancش dhe lënia e qortimit.
10- Sadakaja dhe bamirësia.
O Allahu ynë, kërkojmë prej Teje të na shërosh zemrat, na pastro zemrat tona, o Allah na pastro zemrat nga syefaqësia dhe dëshira për famë, na bën prej banorëve të Firdeusit të Lartë, O Zot i botëve.
Ahmed Halid Utejbi
Përktheu: Shpend Zeneli
