Pyetja: A është i vlefshëm gusli për namazin e xhumasë, nëse ai bëhet në mbrëmjen e së premtës, gjegjësisht para agimit të ditës së premte?!
Përgjigje: Jo, nuk është i vlefshëm! Ngase larja (gusli) për Ditën e Xhuma nuk është valid përpos nëse bëhet pas lindjes së diellit, respektivisht në mes të lindjes së diellit dhe agimit. E nëse lahet (merr gusul) në mes të kohës pas agimit dhe para lindjes së diellit, sërish vlefshmëria e tij është diskutabile për mua, ngase dita shikuar në aspektin sheriatik, fillon me lindjen e agimit dhe merr fund me perëndimin e tij, kurse shikuar në aspektin astronomik, dita fillon me lindjen e diellit dhe përfundon me perëndimin tij, kurse dita duhet të shikohet sipas aspektit sheriatik, e jo sipas atij astronomik. Po ashtu – sa i përket kohës në mes të agimit dhe lindjes, duhet të kihet parasysh se, ajo është kohë për namazin e sabahut, e nuk ka ndonjë rekomandim sheriatik që në atë kohë të shkohet për namaz të xhumasë, ngase ajo është kohë e namazit të sabahut. Ai që lahet (merr gusul) pas lindjes së diellit, e ka qëlluar sunnetin, i është përgjigjur urdhëresës fetare dhe nuk ka kurrfarë problemi, ndërsa në mes të lindjes së agimit dhe lindjes së diellit është çështje diskutabile, kështu që më e sigurtë është që të mos lahet përpos se pas lindjes së diellit.
Shejh Muhamed Ibn Salih El-Uthejmin, Allahu e mëshiroftë, “Mexhmu El-Fetava ve’r-Risail”, libri: “Namazi i Xhumasë”, vëllimi: 16.
Përktheu dhe përshtati nga gjuha arabe: Amir Shabani
