Pyetja: A lejohet hedhja e disa pikave në sy, vesh apo hundë, gjatë periudhës së agjërimit!?
Përgjigje: Duhet të ketë kujdes musliamani, sepse nëse këto pika arrijnë dhe depërtojnë në stomak, atëherë në këtë rast agjërimi prishet.
Muhamedi,- salallahu alejhi ve selem!,- ka thënë:
“Thelloje gargarën tënde(gjatë marrjes abdes, hedhja e ujit në gojë) përpos nëse je duke agjëruar”.
Dije vëlla se nëse sigurohesh se pikat e hedhura arrijnë deri ne stomakun tënd, atëherë të ndalohet hedhja e këtyre pikave, porse nëse nuk arrijnë, në këtë rast hidhi pikat d.m.th. fjala është për hedhjen e pikave ne hundë.
Ndërsa lejohet hedhja e pikave në vesh dhe në sy. Këto dy organe shqisash nuk kanë lidhje me organet e brendshme në të cilat hynë dhe depërton ushqimi.
Allahu është më i Dituri!.
Muhamed bin Salih El-Uthejmin, -Allahu e mëshiroftë!-.
Përktheu dhe përshtati nga arabishtja: Suad Shabani
Medine,21.05.2013
