Cila është ajo sure që e dëgjuan xhindët?
Pyetja: Cila është ajo sure që e kishin dëgjuar xhindët, dhe thanë për Kuranin: Ne dëgjuam diç shumë të çudithsme, e cili është mendimi më i saktë?
Përgjigjja: Falënderimi i takon vetëm Allahut.
Së pari:
Buhariu dhe Muslimi shënojnë hadithin e Abdullah ibn Abasit (Allahu qoftë i kënaqur prej tij) të ketë thënë: I dërguari (paqja dhe bekimi i Allahut qofshin mbi të) së bashku me një grup prej shokëve të tij shkuan në tregun Ukadh. Ndërkohë që shejtanët ishin penguar nga lajmet (që qarkullojnë) në qiell, e mbi ta ishin hedhur meteorë. Kështu, ata (shejtanët) u kthyen tek shejtanët e tjerë, e ata i pyetën: {farë keniu? Thanë: Kemi qenë të penguar nga lajmet e qiellit, dhe mbi ne janë gjuajtur meteorë! Thanë: Ka ndodhë diç që të ketë penguar mes jush dhe lajmeve të qiellit, kështu që bredhni në lindje e në perëndim, shikoni se çështë ajo çfarë ju pengoi juve nga lajmet e qiellit?!
U nisën drejtë Maleve të Tihamit, e deri tek i dërguari (paqja dhe bekimi i Allahut qofshin mbi të) në kohë kur ai ishtë ulur nën një palmë, ndërsa shejtanët ishin nisur për në tregun e Ukadhes, e i dërguari (paqja dhe bekimi i Allahu qofshin mbi të) falte namazin e sabahut së bashku me shokët e tij, kur ata dëgjuan Kuranin, u ndalën ta dëgjojnë e thanë: Pasha Allahun, ky është ai që na pengoi neve nga lajmet e qiellit, dhe në atë moment kur ata u kthyen tek të tjerët u teguan atyre: “Me të vërtetë, kemi dëgjuar (një) Kur’an të mrekullueshëm, i cili udhëzon në rrugën e drejtë – e ne kemi besuar në të, dhe kurrsesi më nuk do t’i bëjmë shok askë Allahut.” Sureja Xhin, 1-2.
Dhe Allahu zbriti suren Xhin, dhe i ishte shpallur fjala e xhindëve.
Ndërsa në tekstin e Muslimit qëndron: “i dërguari i Allahut (paqja dhe bekimi i Allahut qofshin mbi të) as që u kishte lexuar xhindëve e as që i kishte parë ata …“ më pas e përmendi hadithin.
Kishte shumë raste që xhindët kishin dëgjuar Kuranin, sikur që përmendet kjo në disa hadithe, kështu ata kishin dëgjuar Kuranin nga i dërguari (paqja dhe bekimi i Allahut qofshin mbi të) më shumë se një herë.
Ibn Kethiri për një prej transmetimeve që ai përmend thotë: “Kjo tregon se i dërguari i Allahut (paqja dhe bekimi i Allahut qofshin mbi të) nuk kishte vërejtur prezencën e tyre, por ata dëgjuan leximin e tij, e më pas u kthyen tek populli i tyre, e më pas erdhën tek ai grupe grupe, sikur që flasin për këtë lajmet dhe fjalët e dijetarëve.” Tefsiri i ibn Kethirit (7/291).
Imam ibn Kethiri shënoi një numër të haditheve që flasin për dëgjimin e Kuranin nga xhindët, gjatë komentit të fjalës së Allahut: “Dhe, (kujtoju atyre kohën) kur t’i dërguam ty disa xhindë për të dëgjuar Kur’anin. Kur morën pjesë (në të dëgjuarit e Kur’anit), ata i thanë (njëri-tjetrit): “Heshtni!” E, kur përfundoi (të lexuarit), u kthyen te populli i tyre si paralajmërues.” Sureja Ahkaf, 29.
Dy:
Sa i takon sures të cilën i dërguari (paqja dhe bekimi i Allahut qofshin mbi të) e kishte lexuar, në disa hadithe përmendet se ai kishte lexuar suren (Rahman). Por kjo nuk do të thotë se të ketë lexuar edhe sure të tjera, pasi që ata Kuranin e kishin dëgjuar më shumë se një herë.
Islamqa.info / albislam.com
Përktheu: Shpend Zeneli
