1. Kur i hidhem një puneje me orë të tëra, trupi im duron.. kur falem, lexoj suret e shkurta për të kryer sa më shpejtë namazin.. edhe pse trupi im ka fuqi për të qëndruar më shumë në namaz, mirëpo jo edhe zemra ime. Pra, defekti qenka në zemrën e jo në trupin tim.
2. Sa e sa herë kam kaluar netët pa gjumë për gjëra aspak të rëndësishme.. mundem të falë edhe namaz nate mirëpo zemra më flen nga lodhësia e pagjumësisë. Defekti është në zemrën, jo në trupin tim.
3. Kujdesem që fëmijët t’i zgjoj herët në mëngjes për të shkuar në shkollë gjatë tërë peridhus së shkollimit të tyre dhe dështoj në zgjimin e tyre për namaz të sabahut, madje dështoj të zgjohem dhe vetë.. problemi im nuk është se nuk mundem të zgjohem herët por zemra ime nuk mund të zgjohet për Allahun, ndërsa për pune dynjaje, po. Pra, defekti është në zemrën, jo në trupin tim.
4. Kur ulem dhe shikoj lajme e thashetheme me orë të tëra, mirëpo s’mundem të ulem gjysëm ore për të lexuar Kuran e për të përmendur Allahun, defekti është në zemrën, jo në trupin tim.
5. Kur përgatitem mirë për të hyrë në provim dhe harroj se rrugës mund të vdes e të hyj në një provim tjetër të cilin e kam anashkaluar tërë jetën, edhe pse për të jam krijuar- pra të adhuroj Allahun, defekti është në zemrën, jo në trupin tim.
6. Kur gjejë kohë për të ngrënë, pirë, mësuar, folur, qeshur, kjo nuk d.m.th. se unë nuk mund të gjejë kohë për të adhuruar Zotin, por zemra nuk posedon kohë për të menduar rreth tyre. Pra, defekti është në zemrën, jo në trupin tim.
Defekti, në fund.. nuk është se ne nuk mundemi, ngase Allahu nuk na ngarkon përveç se me atë që mundemi, porse zemrat tona nuk munden. Lidhja për jetën, vërtitja rreth kërkesave të trupit i ka prishur ato. Allahu ynë, na furnizo neve, pasardhësit tanë dhe të dashurit me zemra të shëndosha!
Përktheu nga arabishtja:
Agim Bekiri
19/08/2019
