Njëri nga mendimtarët më të famshëm islamë të kohës bashkëkohore, Dr. Muhamed Amarah, ka thënë: “Në një takim shkencor, njëri nga të ftuarit laik gjerman ishte përballë meje dhe mu drejtua me nënçim duke më thënë: “A e kupton se ti me shkrimet e tua dëshiron ta zbatosh Sheriatin (ligjin islam) dhe të na kthesh prapa (me kohë)?”
Iu përgjigja me disa pyetje: “Kur thua prapa, do të thuash diku rreth 100 vite më parë kur Sulltan AbdulHamidi II e sundoi gjysën e botës? Apo kur mbretërit e Evropës qeverisnin popujt e tyre me një mandat nga Sulltani Osman? Apo e keni fjalën për kohën më të madhe të sundimit të Memlukëve, të cilët e shpëtuan botën nga mongolët dhe tatarët? Apo e keni fjalën edhe më parë, kur Abasitët sunduan gjysmën e tokës? Apo në kohën e umejadëve? Apo akoma më parë, kur Umer ibn Hattabi, Allahu qoftë i kënaqur prej tij, sundoi pjesën më të madhe të tokës? Apo mos vallë e ke fjalën kur Harun Er-Rashidi e filloi letrën e tij kur ia dërgoi mbretit të romakëve, Nekfurit: “Nga Haruni, prijësi i besimtarëve, për Nekfurin, qenit të romakëve…” Apo e keni fjalën për në kohën e AbduRrahman Ed-Dahilit, ushtria e të cilit lidhej nga Italia dhe Franca? – kjo është nga aspekti politik. Apo mos e ke fjalën për aspektin shkencor kur shkencëtarët sikur: Ibn Sina, El-Farabi, Ibn Xhubejri, El-Havarizmij, Ibn Rushdi, Ibn Halduni etj., i dhanë mësim botës arabe, mjekësisë perëndimore, farmacisë, inxhinierisë, astronomisë dhe letërsisë?
Apo e keni fjalën për dinjitet: Kur një çifut jobesimtar rrëmbeu me mantelin e një gruaje, ajo i bërtiti dhe e goditi, kështu që Mu’tasimi hoqi ushtrinë dhe i dëboi çifutët nga toka e shtetit, ndërsa gratë sot dhunohen dhe pushtetarët janë të lumtur?!
Apo e keni fjalën kur muslimanët themeluan universitetin e parë që njihni në tokën e Evropës në Spanjë? Që atëherë, veshja arabe siç ishte “manteli”, është bërë veshja e diplomimit të të gjitha universiteteve në botë dhe kapela e diplomimit është e sheshtë, sepse Kur’ani u vendos mbi të në ceremoninë e diplomimit!
Apo e keni fjalën kur Kajro ishte qyteti më i bukur në botë? Apo kur dinari irakian vlente 483 dollarë? Apo kur të arratisurit nga Evropa e varfër shkuan në Aleksandri? Apo kur Amerika i kërkoi Egjiptit të shpëtonte Evropën nga uria?
Pra, jam duke ju pritur që ju të më shpjegoni qëllimin tuaj dhe të më thoni sa kohë dhe në cilën kohë doni të ktheheni.”
– Me këtë është përcjellë një mesazh si përgjigje për të gjithë ata që vënë në dyshim historinë e madhe islame!
Shkruajti: Dr. Mahmud El-Verrak
Përktheu nga arabishtja: Amir Shabani
29.01.2020
