Allahu i Madhëruar i ka thënë të dërguarit të vet Muhamedit (salallahu alejhi ve selem):
“Dhe se kjo është rruga (feja) Ime e drejtë (që e caktova për ju), pra përmbajuni kësaj, e mos ndiqni rrugë të tjera e t’ju ndajnë nga rruga e Tij. Këto janë porositë e Tij për ju, ashtu që të ruheni.“ Enam: 153
I dërguari i Allahut (salallahu alejhi ve selem) e ka shjeguar rrugën e drejtë me ilustrim të mrekullueshëm në hadithin e tij ku thotë:
“Allahu i Madhëruar ka dhënë shembull rrugën e drejtë (siratin mustekim) dhe në dy anët e saj dy mure ku ka dyer të hapura. Në dyer ka perde të lëshuara. Në derën e siratit ka një thirrës që thotë: o ju njerëz, hyni në siratë të gjithë dhe mos devijoni. Ka edhe thirrës që thirrë prej në brendësi të siratit. Kur të dojë dikush te hapë ndonjërën nga ato dyert, thotë: mjer për ty, mos e hap, se ti nëse e hapë, do të hysh në të.
Sirati është Islami,
muret janë kufijtë e Allahut të Madhëruar,
dyert e hapura janë ndalesat e Allahut të Madhëruar (haramet).
Ai thirrësi në krye të siratit është Libri i Allahut azze ve xhel-le,
ndërsa thirrësi mbi siratë është këshilltari i Allahut në zemër të çdo besimtari.“
Transmeton Ahmedi dhe hakimi nga Nuvasi (radijallahu anhu).
Poeti ka thënë:
O Allah, Zot i gjithësisë
Ti je i drejtë dhe në udhë të drejtë na udhëzo
Me mëshirën tënde na mëshiro
Kurrë asnjehrë mos na devijo!
Fjalë të urta:
Nuk devijon ai e që vijon rrugën e drjetë.
Dikush fle në dritë, ndërsa dikush zgjohet në errësirë.
Ai që e ka zbukururar qëndrimin para Allahut në dynja, Allahu do tia zbukuron qëndrimin e tij në Ahiret.
Allahu i Madhëruar dynjanë ia ka dhënë besimtarit dhe jobesimtarit, po xhenetin do t’i jep vetëm besimtarit.
Sa është i rëndësishëm udhëzimi të tregon fakti se sa herë në çdo namaz në çdo rekat e lut Allahun për të.
Gjëja më e çmuar që Allahu ia ka dhënë robit vet është udhëzimi në fenë islame.
Namazi është dritë. Dritë në dynja për ta ndriçuar rrugën e drejtë, dritë për ta kaluar siratin dhe dritë që reflektohet në xhenet me begatitë e Allahut të Madhëruar.
Ali Shabani
