Ibn Uthejmini – Allahu e mëshiroftë – thotë:Tregohet se kur Imam Muhamed ibn Abdulvehabi – Allahu e mëshiroftë – udhëtoi për në Mekë, pa një dijetar nga dijetarët e saj që ishte ulur në një karrige dhe ligjëronte para njerëzve. E pëlqeu ligjërimin e tij dhe u ulë ta dëgjojë.
Kur përfundoi mësimi, pikërisht në kohën e ezanit, ky dijetar – i moshuar dhe me pozitë të lartë në mesin e mekasve – u ngrit nga karrigia dhe psherëtiu: “Oj Qabja e Allahut!”
Kjo ishte një fjalë problematike, sepse përmbante shirk (idhujtari) – ndonëse ai nuk e kishte vërejtur.
Muhamed ibn Abdulvehabi – Allahu e mëshiroftë – ishte shumë i zgjuar dhe i mençur, ndaj nuk ia tërhoqi vërejtjen menjëherë përpara njerëzve. Ai e priti për të zbritur nga karrigia dhe për të pritur ezanin. Pastaj i foli me edukatë dhe mençuri:
E përshëndeti, e pyeti se nga ishte, dhe i tha:”Jam nga Nexhdi, por më pëlqeu shumë ligjërimi yt. Allahu të shpërbleftë! Ishte fjalë e mirë dhe e dobishme. Unë jam fillestar dhe dua të lexoj diçka nga Kurani para teje.”
Filloi të lexonte nga suret e fundit të Kuranit:
“Kul E’udhu bi-Rabbi-n-Nas”
“Kul E’udhu bi-Rabbi-l-Felek”
“Kul huvAllahu ehad”
“Tebbet…”, e kështu me radhë…
Derisa arriti te surja Kurejsh:
Lexoi:”Li’ilafi Kurejsh. Ilafihim rihletesh-shitaa’i ves-sajf. Felja’budul-bejt…”(Shkatërrimin e njerëzve të elefantit Allahu e bëri) për të mbrojtur fisin Kurejsh, për t’i mbrojtur ata në udhëtimin që bëjnë dimër e verë. Prandaj le të adhurojnë këtë shtëpi (të Zotit -Qaben…),
Imami e ndali dhe i tha:”Jo, është: Fel ja’budu Rabbe hadhe-l-bejt” (Le ta adhurojnë Zotin e kësaj shtëpie).”
Ai ia ktheu: “Kështu kam mësuar.”Imami i tha: “Kjo nuk mund të jetë e saktë. Nëse do ta adhuronin shtëpinë (Qaben), do të ishin bërë idhujtarë. Allahu nuk ka urdhëruar të bëjmë shirk.”
Muhamed b. Abdulvehabi e pyeti: “Cili është versioni i saktë?”
Imami tha:”Felja’budu Rabbe hadhe-l-Bejt – Le ta adhurojnë Zotin e kësaj shtëpie.”
Pastaj shtoi:”Allahu ka thënë: ‘Dhe Zoti juaj ka thënë: Më lutni Mua, dhe Unë do t’ju përgjigjem.’ – e nuk ka thënë: luteni Qaben ose shtëpinë.”
Pas kësaj Muhamedi ia kujtoi:Unë të dëgjova kur zbrite nga karrigia dhe the: ‘Ja KabetAllah.’ (Oj Qabja e Allahut…)
Dijetari tha:”Allahu ta shtoftë kuptimin dhe të shpërbleftë me të mira!”
Referenca: Sherh esh-Shafie (4/410)
Nga arabishtja: Hoxhë Agim Bekiri 07/05/2025
