- Respektimi dhe sjellja e mirë ndaj prindërve është adhurim(ibadet).
- Tri gjëra nuk sjellin asgjë tjetër veçse mirësi të shumta, e ato janë:
1. Heshtja
2. Lënia e të keqes
3. Shpeshtimi i përmendjes së Allahut (dhikrit). - Pendimi për mëkatin është si ilaçi për të sëmurin.
- Edukata dhe morali i ulët sjell çrregullime të shumta në jetën e njeriut.
- Mos u bë ofendues i shejtanit haptazi, kur në vetmi je shoku i tij i afërt.
- Mos i thuaj ndokujt një fjalë të cilën ti nuk ke qejf me të të thuhet ty.
- Nuk do të ndihesh i vetmuar nëse shoku yt është libri.
- Librat janë dritaret përmes të cilave njeriu kupton realitetin e jetës.
- Leximi, studimi dhe shkrimi i librave shpeshherë është arma më e fortë dhe më e sukseshme karshi armikut tënd.
- Libri është shoku yt më i mirë. Libri është shoku i cili nuk të tradhton kurrë.
- Mos i humb shpresat në arritjen e lumturisë, ngase po i humbe shpresat në arritjen e saj, vështirë se do të jesh i lumtur ndonjëherë.
- Lumturia dhe rehatia në familje është Xheneti i dynjasë.
- Nuk e ka arritur lumturinë e vërtetë ai i cili ka tubuar pasuri me bollëk, lumturinë e vërtetë e ka arritur ai cili është stolisur me devotshmëri.
- Llukman Hakimi, Allahu qoftë i kënaqur me të, e këshilloi djalin e tij duke i thënë: “O biri im! Mos i bëj shirk (mos i shoqëro asgjë në adhurim) Allahut , ngase shirku është padrejtësia më e madhe.”
- Imam Shafiu, Allahu e mëshiroftë, ka thënë: “Kush e këshillon vëllain e tij fshehurazi, ai veçse e ka këshilluar, ndërsa kush e këshillon vëllain e tij haptazi ai veçse e ka nënçmuar.”
Nga arabishtja: Suad B. Shabani Medine
Burimi: albislam.com
