Sot ne lajme pashё se njё anije tjetёr me emigrantё sirianё ishte mbytur. Njё tjetёr tragjedi qё kalon si nxitimthi pёr ti lёnё vendin tjetrёs. Tashmё situata siriane ёshtё bёrё e zakonshme, pёrmbytjet e anijeve janё njё suplement pёr tё mbushur faqet e gazetave apo ekranet televizive.
Njё ndihmёdhёnёs gjerman kapet nga njё fotograf duke “shpёtuar” njё fёmijё njё vjeҫar tё mbytur.
Paparaci i vdekjes…
Populli shqiptar krenohet me kontributin qё ka dhёnё duke shpёtuar jetё ҫifutёsh nё kohёn e luftёs. Janё shkruar libra pёr tё treguar se ҫfarё ndodhi nё atё kohё, janё botuar romane tё ndryshёm pёr tё na treguar se si mbijetuan ato qё Hitleri donte tё zhdukte.
Tani pas kaq vitesh, pas shumё pёrpjekjesh pёr tё ndёrtuar diҫka tё re, historia pёrsёritet. Pёrsёritet nё njё mёnyrё akoma mё makabёr, akoma mё rrёnqethёse.
Pёrpjekjet pёr tё mёsuar nga e kaluara kanё dёshtuar.
Miliona sirianё tani mundohen tё mbijetojnё. Shumё prej tyre nuk ja dalin as tё shohin brigjet e shpresёs. E ndalin hovin aty ku horizonti humbet. I marrin ёndrrat me vete si njё trishtim qё tretet nё shpirt.
Kush arrin tё ketё frymёn gjallё nuk di, a tё dёshirojё tё vazhdojё apo tё lutet pёr fundin e vet.
Kriza siriane ёshtё njё mbijetese qё i mbijeton ligёsisё dhe arrogancёs sё ligё njerёzore. Me mijёra fёmijё qё nuk dihet ku janё, nёse dihet ku janё nuk dihet si dhe me ҫfarё mbijetojnё. Me mijёra prindёr qё kanё humbur fёmijёt apo anasjelltas. Njё krizё njerёzore, njё krizё ushqyerje, njё krizё e jetesёs normale, njё krizё kampesh, njё krizё frike.
Njё krizё … INDIFERENCE TOTALE, indiferencё mediatike, politike dhe sigurisht njerёzore.
Kjo dhe shumё ngjarje tё tjera janё Holokauste.
Fatkeqёsisht ne njohim vetёm njё holocaust por ka patur periudha Para Holokaust dhe Pas Holokaust. Ka patur Hiroshimё, ka patur Palestinё. Ka patur Armeni, Birmani, Somali, ka Siri po ka edhe shumё tё tjerё. Dhe nuk janё shifra statistikash por janё qenie njerёzore, si unё dhe si ti qё po lexon, si fёmijёt tanё dhe si ato qё kemi mё pёr zemёr.
Nёse nuk doni tё mbeteni nё valёt e indiferencёs, dhurojini njё lutje tё sinqertё, siҫ do donim tё na dhuronin, po tё ishim njёri prej tyre…
M.V.
