عَنْ أَبِي هُرَيْرَةَ عَبْدِ الرَّحْمَنِ بْنِ صَخْرٍ قَالَ: سَمِعْت رَسُولَ اللَّهِ ﷺ يَقُولُ: “مَا نَهَيْتُكُمْ عَنْهُ فَاجْتَنِبُوهُ، وَمَا أَمَرْتُكُمْ بِهِ فَأْتُوا مِنْهُ مَا اسْتَطَعْتُمْ، فَإِنَّمَا أَهْلَكَ الَّذِينَ مِنْ قَبْلِكُمْ كَثْرَةُ مَسَائِلِهِمْ وَاخْتِلَافُهُمْ عَلَى أَنْبِيَائِهِمْ”.
رَوَاهُ الْبُخَارِيُّ [رقم:7288]، وَمُسْلِمٌ [رقم:1337].
Nga Ebu Hurejra Abdurrahman ibn Sahri, Allahu qoftë i kënaqur me të!, përcillet të ketë thënë: “E kam dëgjuar të Dërguarin e Allahut ﷺ duke thënë:
“Kur t’ju ndaloj diçka, largohuni prej saj, kurse atë që ju urdhëroj, bëjeni aq sa keni mundësi, ngase ata që ishin para jush janë shkatërruar për shkak të pyetjeve të shumta dhe kundërshtimit ndaj të dërguarve.”
E shënojnë Buhariu [numër 7288] dhe Muslimi [numër 1337].
Dobitë e hadithit:
1.Ndalesat kanë dy obligime:
a.Obligimi i të larguarit prej saj.
b.Obligimi i mos veprimit të saj.
2.Vlera e lëniës së ndalesave është me e madhe se sa zbatimi i urdhërave.
3.Lënja e ndalesave është më e lehtë sesa veprimi i urdhërave për shkak që është lidhur me veprimin sipas mundësisë.
4.Nuk llogaritet njeriu mëkatar në mos kryerjen e obligimeve në rast se vepruesi nuk ka mundësi për t’i realizuar ato.
5.Kuptimi se njeriu posedon të zgjedh rrugën e mirë dhe të keqe është kuptim në përputhshmëri të rrugës së ehlisunetit dhe natyrshmërisë së njeriut.
6.Devijimi i xhebrive në çështjen se njeriu nuk posedon të zgjedh por ai është i detyruar në veprimet e tij.
7.Ndalimi nga haramet në të gjitha situatat gjë që nuk ndërlidhet me mundësinë.
8.Urdhërimi për t’i kryer obligimet gjë që lidhet me mundësin.
9.Nëse njeriu nuk i mundësohet ta kryen obligimin e tij, e zbaton atë në suazat e mundësisë dhe forcës duke mos e lërë në tërësi.
10.Në esencë pasohet i dërguari duke mos pyetur se vepra është obligim (vaxhib) apo e pëlqyer (sunet).
11.Ndalimi nga të parashtruarit e shumë pyetjeve të tepërta siç janë çështjet e fshehta (gajbit), emrat dhe cilësit e Allahut, gjërat që nuk kanë ndodhur dhe është larg për të ndodhur në rast se nuk është nxënës i dijes.
12.Ndalimi nga mosrespektimi dhe kundërshtimi i të dërguarve në urdhërat me të cilat janë dërguar.
HADITHI I NËNTË
Përshtati: Vedat Skenderi
Hadithin e përktheu: Jusuf Kastrati
