1. Allahu, xhele ue ala, ka thënë; “E ata që fyejnë besimtarët dhe besimtaret, për çka ata nuk janë fajtorë, ata kanë ngarkuar veten me shpifje dhe me një mëkat shumë të madh.” (Ahzab; 58).
Disa njerëz nënçmohen e disa prej tyre ju ulet pozita dhe vlera si shkak i shtetit, qytetit, fshatit, prejardhjes së tij ose si shkak i fizionomisë apo ngjyrës së tij, edhe pse e dimë shumë mirë se ato gjëra i janë dhënë pa dëshirën apo zgjedhjen e tij, e atëherë përse nënçmohen dhe u ulet vlera e pozita për diçka që ata nuk e kanë në dorën e tyre të zgjedhin!?
Shejh Dr. Nasir el Umer
2. Allahu, xhele ue ala, ka thënë; “Pra, për ata që kanë vepruar nuk di askush për atë kënaqësi (të zemrës e shpirtit) që u është caktuar atyre si shpërblim.” (Sexhdeh: 17).
Kjo është ëmbëlsia e këtij lajmi Kuranorë, e paramendone se çfarë ëmbëlsie dhe kënaqësie do të jetë kur t’i shohim këto të mira para vetes kur të dalim para Allahut!?
Dr. Adil ez Zerkij
3. Allahu, xhele ue ala, ka thënë; “Allahu i ka njohur shumë mirë ata që ndër ju pengonin dhe ata vëllezërve të vet u thonin: “Ejani me ne!” (Ahzab; 18).
Ai i cili është i sinqertë me Allahun nuk mund ta mundin atë tinxarët dhe të humburit, shiko se sa bukur Allahu ua bënë me dije tinxarëve se Ai sheh dhe Di çdo gjë. Atij nuk mund t’i ikë apo fshihet asgjë.
Su’ud esh Shurejm (Imam në Qabe)
4. Allahu , xhele ue ala, ka thënë; “Nuk ka anjë gjallesë në tokë që Allahu të mos ia ketë garantuar furnizimin e saj, Ai e di vendbanimin dhe vendstrehimin e saj (pas vdekjes). Të gjitha (këto) janë në librin e njohur (Levhi Mahfudhë).” (Hudë; 6).
Nëse furnizimi (rizku) yt është në pronësi të Zotit tënd Bujarë, atëherë pse kjo mërzi dhe ky ngushtim i gjoksitë tënd.
Dr. Abdulmuhsin el Mutajrij
5. Allahu, xhele ue ala, ka thënë; “(Firaoni, tha): Ai (Musai) është prijës i juaj, i cili ua mësoi juve magjinë(sihrin).” (Ta’ha; 71).
Firaoni u tha atyre kështu në mënyrë që ta mbroj pushtetin e tij dhe ta fsheh dobësinë e tij dhe injorancën e tij, ashtu siç lajmroi Allahu, në Kur’an; فَاسْتَخَفَّ قَوْمَهُ فَأَطَاعُوهُ ” Dhe ashtu ai e frikësoi popullin e vet, e ata e respektuan.” (Zuhruf: 54).
Tefsir Ibn Kethir; 3/458
Nga arabishtja; Suad Shabani
