1. Allahu, xhele ue ala, ka thënë; “Dhe Kur’anin lexoje me vëmendje (ngadalë).” (Muzemil; 4).
Allahu, xhele ue ala, e urdhëroi Muhamedin , salAllahu alejhi ue selem! , dhe umetin e tij, që ta lexoj Kuranin rrjedhshëm, me vëmendj edhe ngadalë, ngase kështu arrihet meditimi i porosive të tij (Kuranit), kështu arrihet lëvizja dhe ringjallja e zemrave, kështu madhërohen porosit e tij (Kuranit) dhe kështu arrihet përgatitja e fortë dhe e kërkuar për futjen në praktikë të porosive Kuranore.
Tefsir es Sa’dij; fq.893
2. Allahu, xhele ue ala, ka thënë; “Njëmend, për ata që pyesin (interesohen) në ndodhinë e Jusufit dhe të vëllezërve të tij, pati fakte (mbi fuqunë e Zotit).” (Jusuf: 7).
Ata që interesohen dhe pyesin dhe lexojnë për fjalët e Allahut, të tillët fitojnë udhëzime jetike nga porositë dhe urtësitë Kuranore. Kurse, ata që nuk interesohen dhe nuk pyesin fare për fjalët e Allahut, të tillët privohen nga mësimet dhe porositë e ajeteve dhe tregimeve Kuranore.
Shejh Abdurrahman Es Sa’dij, në tefsirin e tij : fq.394
3. Ibn Xheuzi, rahimehullah, ka thënë; “E kam lexuar suren Jusuf, jam habitur se sa shumë e ka lavdëruar Allahun për durimin (sabrin) e madh që ai e bëri. Allahu ua sqaroi tregimin e tij në detaje njerëzve dhe e ngriti në piedestale të larta personalitetin e Jusufit. U ndala dhe thash: Athua vallë Jusufi alejhi selam po ta pasonte epshin dhe t’i nënshtrohej dëshirave të epshit të tij, ku do ishte ai dhe si do ishte gjendja e tij!? Por, ai e kundërshtoi epshin e tij, u tregua i durushëm dhe ja sot merret si mostër dhe shembull ideal për vyrtyte të larta të moralit. Pra, tregohemi të durushëm dhe të fitojmë shumë përmes durimit.
Sajdul Hatir; fq.291
4. Ebu Uthman en Nehdij, rahimehullah, kur është pyetur se cili ajet është më shpresdhënës sipas teje në Kuran? Ai, tha; Sipas meje ajeti më shpresëdhënës në Kuran, është; “Ka edhe të tjerë që i kanë pranuar mëkatet e veta: ata përzien vepra të mira, e edhe të tjeatë këqija. Atyre do t’ua falë Allahu, se Ai i falë atij që pendohet, e mëshiron atë që përmirësohet.” (Teube; 102).
Ed Durrul Menthur; 8/243
5. Hasan el Basriu, rahimehullah e përsëriste shpesh në mbrëmje këtë porosi Kuranore; “Po edhe nëse përpiqeni t’i numëroni dhuntitë (të mirat) e Allahut, nuk do të mund të arrini t’i përcaktoni ato. Me siguri Allahu shumë fal dhe shumë mëshiron.” (Ibrahim; 34)
E pyetën në lidhje me këtë veprim, ai u tha: Në këtë porosi madhore për ata që logjikojnë. Nuk e ngrejm lartë qepallën e syrit e as nuk e ulim atë e qê mos të jetë kjo dhunti në vete prej Allahut. E sa e sa dhunti shumë të tjera i kemi nga Allahu, e ne nuk i dimë ato!”
Ed durrul Menthur; 8/560
Nga arabishtja; Suad Shabani
