1. Isha në vizitë në disa vende të cilat janë çliruar nga zullumqarët, e pash që ata që i kanë përkrahur zullumqarët dhe projektet e tyre, ndiejnë keqardhje dhe duan ta shfajsojnë veten e tyre. Bashkpunimin dhe përkrahjen që ua dhanë zullumqarëve, sot e vuajnë edhe familjet e tyre e jo vetëm ata. Dëshirojnë ta shfajsojnë veten e tyre por nuk do munden, ngase historia ka shënuar veprat dhe emrat e tyre. U ndala dhe e mendova gjendjen e këtyre kategorive në ditën e gjykimit ; َ”Dhe thonë: “Zoti ynë, ne i dëgjuam udhëheqësit tanë dhe të parët tanë, por ata na shmangën nga rruga e drejtë”. Zoti ynë, jepu atyre dënim të dyfishtë dhe mallkoj ata si është më së keqi!” (Ahzab; 67-68).
Shejh Dr. Nasir el Umer
2. Qudi është me disa njerëz të cilët hidhërohen me caktimet e Allahut, xhele ue ala, edhe pse ata e dinë që në dorën e Tij është toka dhe qiejt, e dinë që Ai është i Gjithëdijshëm, i Urtë dhe që Din hollësisht çdo gjë, megjithatë ata prap hidhërohen. Në vend së të mërziten dhe të ndjejnë keqardhje për mëkatet dhe të metat e tyre, ta llogarisin dhe përmisojnë veten e tyre. Por, ja që kështu është natyra njerëzore, Allahu, xhele ue ala, tha; “Ndërsa njeriu atë e mori mbi vete; dhe ai i bëri padrejt vetes, dhe ishte padijshëm.” (Ahzab; 72).
Shejh Dr. Nasir el Umer
3. Shejhul Islam Ibn Tejmije, rahimehullah, duke folur për cilësitë e grupit të shpëtuar, tha; “Ata nuk e ndjekin dyshimin dhe nefsin e tyre. Ngase, ndjekja e dyshimit është injorancë kurse ndjekja e nefsit pa udhëzimin e Allahut është padrejtësi. Përmbledhja e të gjitha të këqijave janë tek dyshimi dhe injoranca. Allahu, xhele ue ala, ka thënë; “Ndërsa njeriu atë e mori mbi vete; dhe ai i bëri padrejt vetes, dhe ishte padijshëm.” (Ahzab; 72).
Mexhmu’ul Fetava; 3/348
4. Allahu, xhele ue ala, ka thënë; “Ne e zbritëm ate në një natë të bekuar (në natën e begatshme të kadrit). Ne dëshiruam t’u tërheqim vërejtjen, e njerëzit të jenë të gatshëm.” (Duhan: 3).
Medito se si i tuboi Allahu, xhele ue ala, llojet e bereqeteve në këtë natë të bekuar (natën e Kadrit). Kurani është libër i bereqetshëm, zbriti në natën e bereqetshme (natën e Kadrit ), zbriti nê muajin e berqetshëm (në Ramazan), zbriti në vendin e bereqtshëm (në Meke), zbritën shumica e melaikeve me bereqet, pra shumë lloje të berqeteve janë tubuar në natën e Kadrit. Andaj, çdo besimtar le të tregohet syçel që t’i fitoj këto lloje të bereqeteve në mënyrë që t’ia sheh hajrin atyre në dunja, në jetën e varrit dhe në ahiret.
Dr. Abdullah Gufejli
5. Kur u lavdëronte Firaoni para popullit të tij, duke thënë; “Ndërsa, faraoni thirri popullin e vet e tha: “O popull imi, a nuk është i imi pushteti i Egjiptit (i Misirit) dhe i këtyre lumenjve që rrjedhin nën pallatin tim, a nuk po shihni?” (Zuhruf: 51).
U dënua nga ana e Allahut me atë që ai u mburr dhe u lavdërua para popullit të tij, pra u fundos në deti.
Shejh Uthejmini, rahimehullah
Nga arabishtja; Suad Shabani
