1. Allahu, xhele ue ala, ka thënë; “Jo dhe Jo! Atë ditë do të jenë të penguar prej (ta shohin) Zotit të tyre.” (Mutafifin; 15).
Husejn Ibn Fadli, rahimehullah, ka thënë; “Ishin të penguar në dunja nga Teuhidi(njësimi i Allahut në adhurim) dhe ua pamundësoi atyre ta shohin Atë në ahiret.”
Tefsir el Begavij; 8/366
2. Allahu, xhele ue ala, ka thënë; “Allahu ta fali ty (Muhammed) gabimin pse atyre ju dhe leje (të ngelin pa dalë) para se të bëhej për ty e qartë se cilët ishin të drejtë dhe t’i dije me kohë rrenacakët.” (Teube; 43).
A keni dëgjuar ndonjëher qortim më të bukur se ky!? Filloi së pari me falje para se të filloj me llogari apo me qortim!?
Ed durur el Menthur; 5/85
3. Duaja më e dobishme dhe më madhore është në suren el Fatiha; “Udhëzona në rrugën e drejtë!” (Fatiha; 6).
Ngase, nëse Alllahu e udhëzon atë në rrugën e drejtë, Ai i ndihmon atij pastaj ta adhuron Atë, të largohet nga mëkatet dhe të mos e kaploj asnjë mjerim atë, as në dunja e as në ahiret.
Tahaviu, rahimehullah Sherh et Tahavi; 2/519
4. Shejhul Islam Ibn Tejmije, rahimehullah, ka thënë; “U ndala dhe mendoja se cila është lutja më e mirë që robi ka mundësi t’ia drejtoj Allahut, e pash që ajo është kur robi kërkon nga Allahu qē t’i ndihmojë ta fitoj kënaqësinë e Tij dhe këtë e gjeta tek sureja el Fatiha; “Ty të adhurojmë dhe prej Teje ndihmë kërkojmë!” (Fatiha: 5).
Medarixh es Salikin; 1/73
5. Jam falur shpesh pas shejh Abdurrahman ed Deuserij, rahimehullah, nuk më kujtohet që ndonjëherë e ka lexuar suren el Fatiha në namaz e të mos ketë qajtur, sidomos kur vinte tek fjala e Allahut; “Ty të adhurojmë dhe prej Teje ndihmë kërkojmë!” (Fatiha: 5).
Dr. Abdulaziz Ibn Muhamed el Uvejid
Nga arabishtja; Suad Shabani
Burimi: albislam.com
