Nëse e kryen haxhin një njeri që nuk falet e as që agjëron, si është puna me haxhin e tij? Nëse pendohet, a duhet t’i kompensojë ibadetet e lëshuara?
Përgjigje: Lënia e namazit është kufër, nxjerrës nga Islami dhe patjetërsues i qëndrimit të përhershëm në Zjarr. Ky është aludimi i Kur’anit, Sunetit dhe fjalëve të Selefit – All-llahu i mëshiroftë. Prandaj ky njeri që nuk e fal namazin, nuk e ka të lejuar të hyjë në Meke, sepse All-llahu, azze ue xhel-le, ka thënë: “O ju që besuat, vërtet idhujtarët janë të ndyrë, prandaj pas këtij viti të mos i afrohen më xhamisë së shenjtë”. (et-Teube 28).
Haxhi i këtij personi që nuk falet, nuk është në rregull dhe nuk pranohet, sepse është vepër e kafirit. Ndërsa ibadetet e kafirit nuk janë në rregull. Haxhi
All-llahu, subhanehu ue teala, ka thënë: “Mospranimin e dhënieve të tyre nuk e pengoi tjetër gjë vetëm pse ata mohuan All-llahun dhe të dërguarin e Tij, dhe namazin e falin vetëm me përtaci, e lëmoshën nuk e japin ndryshe përveç duke urrejtur”. (et-Teube 54).
Pas pendimit, veprat e lëshuara më parë nuk duhet t’i kompensojë, sepse All-llahu, subhanehu ue teala, ka thënë: “Thuaju atyre që nuk besuan, nëse heqin dorë (nga rruga e tyre e gabuar) do t’u falet e kaluara”. (el-Enfal 38).
Atij që i kanë ndodhur ato, e ka detyrim të pendohet tek All-llahu me pendim të sinqertë dhe të vazhdojë në veprimin e adhurimeve dhe të afrohet tek All-llahu, subhanehu ue teala, me vepra të mira, si dhe të shtojë istigfarin dhe pendimin. All-llahu, subhanehu ue teala, ka thënë: “Thuaj: “O robërit e Mi, të cilët e keni ngarkuar me shumë gabime veten tuaj, mos e humbni shpresën ndaj mëshirës së All-llahut, pse vërtetë All-llahu i fal të gjitha mëkatet, Ai është që fal shumë dhe është mëshirues!”. (ez-Zumer 53). Këto ajete kanë zbritur për penduesit.
Çdo mëkat nga i cili pendohet robi, qoftë edhe shirk, All-llahu ia falë. All-llahu është Udhëzues në rrugën e drejtë.
Burimi: albislam.com
