Zinxhirë këshillash drejtuar atyre të cilëve iu ka vdekur namazi dhe dëshirojnë ta ngjallin atë:
- Ndryshoni suret e shkurtra që i lexoni gjithmonë!
2- Ndjeni se i gjithë universi
është i pavlerë para një sexhdeje për Krijuesin! - Gjersa bini në sexhde, kujtoni se jeni më afër Zotit të botëve, zgjatni sexhden dhe parashtroni dëshirat tuaja tek Ai!
- Kur hyni në namaz dhe mendoni për gjërat e kësaj bote, kujtoni se Zoti juaj e di të fshehtën dhe se Ahireti është më i mirë e i përhershëm!
- Ndjeni këmbët tuaja, shikimin tuaj, dëgjimin tuaj, shëndetin, pasurinë, pastaj ngrituni dhe qëndroni në këmbë para Tij me përulësi dhe falenderoni!
- Shijojeni namazin derisa të bëhet rehatia juaj, siç ka thënë Pejgamberi, paqja qoftë mbi të: “Na rehato me namaz, o Bilal”. Rehati me të cilën pushon gjithçka në këtë univers, çdo zhurmë dhe shqetësim!
- Shkoni drejt namazit si fëmija që nxiton në krahët e atij që e do.. Shkoni dhe bini në sexhde! Le t’ju përqafojë mëshira e Zotit, Ai është më i mëshirshëm ndaj jush se nënat që ju kanë lindur!
- Para se të takoni të Dashurin në namaz, parfumojeni veten, rregullojeni dhe thirrni zemrës… thoni: “Zoti im mos lë në zemrën time dikë tjetër pos Teje!”
- Mos harroni se Zoti na tha këtë:
“Ai (namazi) është i madh (i vështirë) përveç për të përulurit..”
Le të jemi prej tyre!
Përktheu nga arabishtja:
Agim Bekiri
24/06/2023
06/12/1444 h.
