Pyetje: Nëse një njeri njihet me sjelljen e tij të keqe dhe mëkatet e mëdha i bën publikisht, si për shembull pirjen e alkoolit dhe të tjera, a lejohet që t’i këshillojmë të tjerët të largohen prej tij?
Përgjigje: Tërheqja e vërejtjes mëkatarit, atij që vepron mëkate të mëdha është detyrim. Detyrim është edhe të tregohet gjendja e tij sidomos kur ekziston frika që të tjerët të ndikohen prej tij. Gjithashtu është detyrim të këshillohen mëkatarët me shpresën se Allahu do t’i udhëzojë. I Dërguari i Allahut ka thënë: “Feja është të japësh këshilla të sinqerta! E pyetën: Për kë (këshilla)? Tha: Për Allahun, për Librin e Tij, për të Dërguarin, për prijësit e besimtarëve dhe për masën e gjerë.” (Muslimi).
Komisioni i Përhershëm për Fetva 12/385-386
përktheu: Agim BEKIRI
Burimi: albislam.com
