- Cilat janë llojet e Tevekulit ?
– Llojet e Tevekulit janë tre, e ato janë: 1. Tevekuli (mbështetja) në Allahun në të gjitha punët. 2. Tevekuli (mbështetja) në njerëz, por në gjëra që nuk ka mundësi t’i kryej askush pos Allahut (Ky lloj i tevekulit është Shirk i Madh). 3. Teuekuli (mbështetja) në njerëz në gjëra që kanë mundësi t’i kryejnë, siç janë: tregtia, etj. (Kjo mbështetje është e lejuar).
- Cili është shkaku i zbritjes së sures El Kafirun?
– Shkaku i zbritjes është se pabesimtarët kërkuan nga pejgamberi alejhi selam që të bëjnë marrëveshje: Një vit të adhurojnë Allahun dhe një vit të adhurojnë zotërat e tyre apo idhujt. Allahu e urdhëroi Muhamedin alejhi selam t’u përgjigjet atyre në këtë mënyrë:
“Thuaj: “O ju mohues! Unë nuk do ta adhurojë atë, që po e adhuroni ju, e as ju nuk do ta adhuroni Atë që po e adhuroj unë; por, edhe ju nuk e keni adhuruar Atë, që po e adhuroj unë. Ju keni besimin tuaj, e unë kam besimin tim!.” (Kafirun: 1-6).
- Çfarë nënkuptojmë me Isra dhe Miraxh?
– 1. Isra është udhëtimi i Muhamedit, alejhi selam, me Burakun prej Mekes në Kuds (Palestinë) në mbrëmje. 2. Miraxh është ngritja e Muhamedit, alejhi selam, në qiellin e shtatë në shoqërimin e Xhibrilit alejhi selam si dhe kthyerja në Meke po atë natë (në të njejtë natë).
- Cilat janë shtyllat e kufrit?
– Shtyllat e kufrit (mosbesimit) janë katër: 1) Mendjemadhësia e cila e pengon njeriun nga bindja dhe dorzimi; 2) Zilia e cila e pengon njeriun nga pranimi i këshillës dhe dhënia e saj; 3) Zemërimi i cili e pengon njeriun nga mbajtja e drejtësisë; 4) Epshet të cilat e pengojn njeriun nga përkushtimi për të kryer adhurimet e Allahut.
- Cila është dispozita e Namazit të Xhumasë?
– Namazi i Xhumasë është farz ajn (obligim për çdo musliman të gjinis mashkullore) i cili është në moshën madhore, i mençur dhe vendas.
- Sa tekbire i ka namazi i xhenazes dhe çfarë këndohet në çdo tekbir?
– Namazi i xhenazes i ka katër tekbire: 1.Në tekbirin e parë lexohet sureja el fatiha (elhami). 2. Në tekbirin e dytë lexohen salavatet. 3. Në tekbirin e tretë lexohet duaja për të vdekurin. 4. Në fund merret tekbiri i katërt dhe japim selam vetëm në anën e djathtë.
- Cilat janë shtyllat e Haxhit?
– Shtyllat e haxhit janë: 1. Ihrami. 2. Qëndrimi në Arafat. 3. Tauafi Ifada 4. Sa’ji.
- Cilat janë shtyllat e Umres?
– Shtyllat e Umres janë: 1. Ihrami. 2. Tauafi. 3. Sa’ji.
- Cilat janë gjërat që e prishin agjërimin?
– Gjërat që e prishin agjërimin janë: 1. Mardhëniet seksuale. 2. Nxjerrja e spermës me qëllim ose mastrubimi. 3. Ngrënia dhe pirja me qëllim. 4. Hixhameja(apo nxjerrja e gjakut me shumicë). 5. Vjellja me qëllim.
- Çfarë shpërblimi ka ai i cili agjëron 6ditët e Sheualit?
– Muhamedi,- alejhi selam!-, ka thënë: ” Kush e agjëron ramazanin dhe e pason(agjërimin e tij) me 6ditët e sheualit është (i llogaritet atij) sikur të ketë agjëruar tërë vitin.”
- Çfarë shpërblimi ka ai i cili e lexon 10herë suren el ihlas?
– Muhamedi,- alejhi selam!,- ka thënë: ” Kush e lexon suren el ihlas 10herë, Allahu atij do t’i ndërtoj një shtëpi në Xhenet.”
Thuaj: “ Allahu është Një! Allahut i drejtohen për çdo gjë! (Ai) nuk ka lindur prej ndokujt, as nuk ka lindur kë, dhe askush nuk i gjason Atij!.” (El Ihlas : 1-4).
ٌ 12. Çfarë shpërblimi ka gruaja e cila i bindet burrit të saj dhe burri i saj ndahet i kënaqur me të ?
– Muhamedi,- alejhi selam!,- ka thënë: ” Cilado femër e cila vdes dhe burri i saj ndahet i kënaqur me të, (ajo) do të hyjë në Xhenet.”
- Cila është vlera e këshillimit mes vete të muslimanëve?
– Muhamedi,- alejhi selam!,- ka thënë: ” Nuk ka mundësi që të takohen muslimanët e ta këshillojnë njëri tjetrin e që(Allahu) mos t’u falen atyre mëkatet para se të dalin nga takimi apo mexhlisi ku janë tubuar.”
- Çfarë shpërblimi ka ai i cili udhëzon në punë të mira?
– Muhamedi,- alejhi selam!,- ka thënë: ” Kush udhëzon në punë të mira atij do t’i takoj shpërblimi i vepruesëve të saj(që ky i ka orientu në ato punë të mira).”
- Çfarë shpërblimi ka ai i cili ia kërkon shehidllëkun me sinqeritet Allahut?
– Muhamedi,- alejhi selam!,- ka thënë: ” Kush ia kërkon shehidllëkun Allahut me sinqeritet, Allahu do t’i dhurojë pozitën e shehidëve(ditën e gjykimit) edhe nëse ky vdesë në shtratin e tij.”
- Çfarë shpërblimi ka ai i cili i falë farzet e namazit me xhemat?
– Muhamedi,- alejhi selam!,- ka thënë: ” Falja e namazit me xhemat është më me vlerë sesa falja e namazit vetëm për 27shkallë(gradë).”
- Çfarë shpërblimi ka i cili shkon në xhami?
– Muhamedi,- alejhi selam!,- ka thënë: ” Kush shkon në xhami(për ta falë namazin me xhemat) atij do t’i shlyhet një mëkat dhe do t’i shkruhet një sevap për cďo hap që e bën gjatë shkuarjes në xhami dhe gjatë kthyerjes nga ajo.”
- Çfarë shpërblimi ka ai i cili i don njerëzit e mirë?
– Muhamedi,- alejhi selam!,- ka thënë: ” Ti do të jesh me atë që e do.” Apo hadithi tjetër: ” Kush e do një popull do të rringjallet me ta.”
- Çfarë shpërblimi ka ai i cili agjëron një ditë për hirë të Allahut?
– Muhamedi,- alejhi selam!,- ka thënë: ” Kush agjëron një ditë për hirë të Allahut, Allahu do t’ia largoj atij fytyrën e tij nga zjarri Xhehenemit për 70pranvera.”
AUTORI: SAMI ABDURRAHMAN KUBAXHE
NGA ARABISHTJA: SUAD BURHAN SHABANI
Burimi: albislam.com
