1. Cila sure gjendet në mes sures Err Rrahman dhe el Hadidë?
– Sureja el Vakia.
2. Cila sure gjendet në mes sures El Bekare dhe en Nisa?
– Sureja Ali Imran.
3. Cila sure gjendet në mes sures Err Rra’d dhe el Hixhër?
– Sureja Ibrahim.
4. Në lidhje me kë zbriti fjala e Allahut; “Të ndershmit dhe të pasurit nga ju, të mos betohen se nuk do t’u jain t afërmve, të varfërve dhe atyre që pr hir të Allahut lanë vendlindje e tyre, po le t’ua falin (gabimin) dhe mos t’ua zënë për të madhe. A nuk dëshironi që Allahu t’u falë. Allahu falë dhe mëshiron shumë.” (Nurë; 22).
– Në lidhje me Ebu Bekrin, radijAllahu anhu.
5. Katër ajete Kuranore fillojnë me shkronjën Sh(ش )?
– Në suren el Bekare, ajeti nr.185; “(ato ditë të numëruara janë) Muaji i Ramadanit që në te (filloi të) shpallet Kur’ani, që është udhërëfyes për njerëz dhe sqaruesi i rrugës së drejtë dhe dallues (i të vërtetës nga gënjeshtra). E kush e përjeton prej jush këtë muaj, le të agjërojë, ndërsa kush është i sëmurë ose në udhëtim, le të agjërojë aqë ditë nga ditët e mëvonshme. Allahu me këtë dëshiron lehtësim për ju, e nuk dëshiron vështërsim për ju. (të agjëroni ditët e lëshuara më vonë) Që të plotësoni numrin, të madhëroni Allahun për atë se u udhëzoi dhe që të falenderoni.”
Në suren Ali Imran, ajeti nr.18; “Allahu vërtetoi se nuk ka zot tjetër përveç Tij, e dhe engjëjt e ata që kanë dijeni, se Ai është Zbatues i drejtësisë. Nuk ka zot përveç Tij, Fuqiplotit, të Urtit.”
Në suren En Nahl, ajeti nr. 121; “Falënderues për të mirat e Tij. Ai (Allahu) e zgjodhi atë (për pejgamber) dhe e udhëzoi në rrugën e drejtë.”
Dhe ajeti në suren Shura, ajeti nr. “Ai u përcaktoi juve fe atë që i pat përcaktuar Nuhut dhe atë që Ne ta shpallëm ty dhe atë me çka e patëm porositur Ibrahimin, Musain dhe Isain. (I porositëm) Ta praktikoni fenë e drejtë e mos u përçani në të. Për idhujtarët është rëndë kjo në çka ju i thirrni ata. Allahu veçon për të (për besim të drejtë) atë që do dhe e udhëzon atë që i drejtohet Atij.”
Ali Abdulkadir el Murejshid
Nga arabishtja; Suad Shabani
