PROJEKTI I NDIHMAVE 2014

Shoqata Humanitare El Ihsan dhe Qendra Kulturore Albislam në bashkëpunim me Fondacionin RAF nga Katari dhe Fondacioni Visioni i ri, këtë vit ashtu si edhe në të kaluarën, në grumbullin e aktiviteteve të bujshme kulturore e humanitare, nuk harroi një pjesë shumë të rëndësishme të shoqërisë pa e përfshirë në projektet e tyre – kategorinë sociale të vendit tonë, gjegjësisht një numër të konsiderueshëm të familjeve të prekura nga varfëria në kryeqytetin e Maqedonisë – Shkup.

Këtë herë, ndihma humanitare përbënte një pako ushqimi, e cila në një vlerë prej afro 34 eurosh, do mblidhte brenda saj ushqimet më të rëndësishme që i nevojiten një fmailjes mesatare për një muaj.

Numri i përfituesve nga ky projekt është mbi 250 familje, të cilat u rregjistruan paraprakisht nga aktivistët e Shoqatës El Ihsan.

Jemi të vetëdijshëm se numri i nevojtarëve është edhe më i madh, prandaj synojmë që të zgjerojmë numrin e përfituesve, përkitazi me nevojat e vendit tonë. Lusim Allahun e madhëruar, që të pranojë prej nesh këtë vepër dhe të na bëjë të dobishëm për vendin dhe shoqrinë tonë.