Pyetje: Pse Kurani quhet Kuran dhe kush e bëri atë emërtim?
Përgjigje: Lavd-falënderimi i takon vetëm Allahut ndërsa lavdërimet dhe bekimet e Tij qofshin mbi Muhamedin, të dashurin tonë…
Libri i Madhërishëm nga Allahu, Kurani u emërtua nga vetë Allahu dhe nuk ia la këtë nder askujt prej krijesave. Këtë e shohim nga fjalët e Tij:
أَفَلَا يَتَدَبَّرُونَ الْقُرْآنَ
“A nuk përsiatin ata për Kuranin” (Nisa 82)
وَإِذَا قُرِئَ الْقُرْآنُ فَاسْتَمِعُوا لَهُ وَأَنصِتُوا لَعَلَّكُمْ تُرْحَمُونَ
“Kur të lexohet Kurani, dëgjoni dhe heshtni, në mënyrë që të mëshiroheni” (Araf 204)
وَنُنَزِّلُ مِنْ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلا يَزِيدُ الظَّالِمِينَ إِلاَّ خَسَارًا
“Ne shpallim nga Kurani atë që është shërim dhe mëshirë për besimtarët e që mohuesve keqbërës u shton vetëm humbje” (Isra 82)
يس (1) وَالْقُرْآنِ الْحَكِيمِ
“Jasin, pasha Kuranin plot urtësi” (Jasin 1,2)
إِنَّ اللَّهَ اشْتَرَى مِنْ الْمُؤْمِنِينَ أَنفُسَهُمْ وَأَمْوَالَهُمْ بِأَنَّ لَهُمْ الْجَنَّةَ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنجِيلِ وَالْقُرْآنِ
“Në të vërtetë, Allahu ka blerë nga besimtarët jetën dhe pasurinë e tyre, në këmbim të Xhenetit. Ata luftojnë në rrugën e Allahut, vrasin dhe vriten. Ky është premtimi i Tij vërtetë në Teurat, Ungjill dhe Kuran” (Teube 111).
Si dhe shumë ajete tjera. Pra, në këtë ajete shohim qartë se Allahu e bëri emërtimin e librit të Tij ndërsa kuptimi i fjalës Kuran rrjedh nga fjala arabe القَرْء (el-kar’ë) që nënkupton tubimin dhe mbledhjen dhe për këtë dijetarët kanë dhënë tre komentime:
1. I tuboi suret e Kuranit afër njëra tjetrës,
2. I tuboi frytet e librave të mëparshëm në një vend,
3. I tuboi të gjitha llojet e diturive në një vend. Allahu e di më së miri.
Burimi: albislam.com
