Përgjigje: Duaja e ashtuquajtur “duaja e Arshit dhe vlerat e tij” është një dua e shpikur, që nuk ka bazë dhe nuk ka argument për të nga Kurani dhe Suneti dhe nuk është e mbështetur në ndonjë burim të cilit mund t’i kthehemi, andaj kjo është e shpikur, bile as shpikësi i saj nuk dihet se kush është, gjithashtu në këtë dua ka shumë fjali mashtruese, si p.sh. fjalia “Të lutem me emrin tënd të shkruar te krahu i Xhebrailit, Mikailit, në ballin e Israfilit dhe në dorën e Azrailit, të cilët u quajtën Munker dhe Nekir, dhe për hatër të fshehtësive të robërve të tu “etj.
Në këtë dua ka premtime të rreme, për t’i tërhequr njerëzit kah kjo dua e shpikur, si p.sh. “kush e lexon një herë, Allahu do ta ringjall në Ditën e Gjykimit me fytyrë të ndritshme” etj. apo “do ti shkruhen sevape sikur të ketë bërë 100 haxhe dhe umre (të pranuara)”
Në këtë dua bëhet thirrje që të lidhen hajmalia, dhe që robi të lidhet me dikë tjetër pos Allahut.
Andaj çdo kush prej jush e ka për obligim, që ta pengojë përhapjen e kësaj duaje dhe ku të gjej ta shkatërrojë e ta zhduk, ta demaskojë shpërndarësin e kësaj duaje në mesin e njerëzve, sepse kjo është thirrje në përhapjen e bidatit, devijimit dhe lidhje të hajmalijave.
Allahu na dhashtë sukses!
Paqja dhe mëshira e Allahut qoftë mbi Muhamedin, salallahu alejhi ve selem, dhe mbi shokët e tij.
Komisioni i Përhershëm për Fetva rreth vërtetësisë se duas së quajtur “ArshuRrahman”
Fetvaja nr. 373-24/372
Përktheu dhe përshtati nga arabishtja:
Mujdin Xhaferi
