Heshtja është e kundërta e të folurit.
Nga i dërguari (sal-Allahu alejhi ve selem) jemi të urdhëruar të flasim mirë, se përndryshe më mirë është të heshtim.
Ka thënë:
(من كان يؤمن بالله و اليوم الآخر فليقل خيرا أو ليسكت)
“… Kush i beson Allahut dhe ditës fundit, le të flet mirë, përndryshe le të heshtë.”
Disa raste ku duhet heshtur
- Kur imami lexon në namaz Kuran
وَإِذَا قُرِئَ ٱلۡقُرۡءَانُ فَٱسۡتَمِعُواْ لَهُۥ وَأَنصِتُواْ لَعَلَّكُمۡ تُرۡحَمُونَ ٢٠٤
“Kur të lexohet Kurani, dëgjoni dhe heshtni, në mënyrë që të mëshiroheni.“ Araf: 204
- Kur hatibi e bën hytben e xhumasë
I dërguari i Allahut (sal-Allahu alejhi ve selem) ka thënë:
إذا قلت لصاحبك يوم الجمعة أنصت والإمام يخطب فقد لغوت
“Nëse i thua shokut tënd në ditën e xhuma hesht, imami duke e bërë hytben ti ke bërë gabim (ke humbur shpërblimin).
- Gjatë ligjeratës
Të urtët kanë thënë:
Në kuvendin e të meçurve njëri flet, të tjerët dëgjojnë.
Përjashtim bëjnë ndërhyrjet me vend.
- Kur nuk të kuptojnë
- Rasti i Merjemes
Merjemeja bija e Imranit ishte e premtuara nga nëna e saj që të shërbejë në tempull. Asaj një natë i erdh Xhibrili dhe e lajmëroi se do të ketë fëmijë. Pasi fryu, ajo mbeti shtatëzëne dhe e lindi Isain (alejhi selam). Këtë nuk ia besonte askush, andaj në këtë situatë të ndërlikuar ajo është dashur të heshtë. Allahu i Madhëruar ka thënë:
فَكُلِي وَٱشۡرَبِي وَقَرِّي عَيۡنٗاۖ فَإِمَّا تَرَيِنَّ مِنَ ٱلۡبَشَرِ أَحَدٗا فَقُولِيٓ إِنِّي نَذَرۡتُ لِلرَّحۡمَٰنِ صَوۡمٗا فَلَنۡ أُكَلِّمَ ٱلۡيَوۡمَ إِنسِيّٗا ٢٦
“Ha, pi dhe qetësohu. Nëse vëren ndonjë njeri, i thuaj: “Unë jam betuar në të Gjithëmëshirshmin se do të agjëroj, prandaj sot nuk do të flas me askënd.”Merjem: 26
- Rasti i Zekerijaut (alejhi selam)
Kur Zekerija u bë me fëmi duke qenë i shtyrë në moshë kërkoi argument nga Allahu i Madhëruar. Përgjigja e Allahut për të ishte që ai të heshtë.
قَالَ رَبِّ ٱجۡعَل لِّيٓ ءَايَةٗۖ قَالَ ءَايَتُكَ أَلَّا تُكَلِّمَ ٱلنَّاسَ ثَلَٰثَ لَيَالٖ سَوِيّٗا ١٠
“(Zekerija) tha: “O Zoti im, më jep ndonjë shenjë!” Ai tha: “Shenja jote do të jetë se nuk do të mund të flasësh me njerëzit për tri net, ndonëse do të jesh i shëndoshë.” Merjem: 10
Hoxhë Ali Shabani
