Pyetja: Cilat janë ato pesë fjalë që Allahu i shpalli Jahjas (alejhi selam)
Përgjigjja:
Falënderimi i takon Allahut, paqja dhe bekimi i Allahut qofshin mbi të dërguarin e Tij, mbi familjen dhe shokët e tij.
Harith el-Esharij (Allahu qoftë i kënaqur prej tij) përcjell se i dërguari i Allahut (paqja dhe bekimi i Allahut qofshin mbi të) ka thënë: Allahu i shpalli Jahjas të birit të Zekerijas pesë fjalë, që me to të veprojë e t’i urdhërojë beni israilët të veprojnë me to, sikur ai (Jahja) u vonua, e i erdhi Isau e i tha: Allahu të ka urdhëruar me pesë fjalë që të veprosh me to e t’i urdhërosh beni israilët të veprojnë me to, ose do i informosh ose i informoj unë. AI tha: O vëlla! Mos vepro ashtu sepse kam frikë nëse ti më paraprin me këtë, unë të injorohem ose të ndëshkohem. Tha: Kështu që i tuboi beni israilët në xhaminë e Kudsit saqë u stërmbush, e u ulën në ballkone, ai iu drejtua atyre e ua tha:
Allahu ju ka shpallur pesë fjalë që unë të veproj me to dhe urdhëroi beni israilët të veprojnë me to, e para është;
Të mos i bëni shirk Allahut, sepse shembulli i atij që i bën shirk Allahut është si shembulli i atij që bleu një skllav me pasurinë e pastër të tij, qoft ëme ari apo argjend, e më pas e strehoi në një shtëpi e i tha atij: puno dhe fitimin ma jep mua, ai punonte por që fitimin ia jepte dikujt tjetër jo zotëriut të tij. Kush do dëshironte që robi i tij të vepronte kështu.
Ju urdhëroi të falni namazin, e nëse jeni në namaz mos shikoni anash, sepse Allahu kthen fytyrën e Tij kah fytyra e robit të Tij në namaz përderisa ai nuk shikon anash.
Ju urdhëroi që të agjëroni, sepse shembulli i atij është sikur njeriu në një grup njerëzish që mban me vete një enë me misk, që të gjithë entuziazmohen me erën, e era e agjëruesit është më e këndshme tek Allahu se era e miskut.
Ju urdhëroi të jepni zekatin, e shembulli i tij është sikur njeriu që e kishte robëruar armiku të cilit ia kishin lidhur duart në fyt dhe e sollën që t’ia prejnë kokën, e (zekati) tha: Unë jap shpagim për të me pak e me shumë, kështu e shpëtoi atë prej tyre.
Ju urdhëroi ta përmendni Allahun, e shëmbulli i atij është sikur njeriu të cilin armiqt e ndjekin me shpejtësi saqë arriti ai tek një fortifikatë, kështu mbrojti veten e tij prej tyre. Kështu robi nuk mund ta mbron veten prej shejtanit përpos se me përmendje të Allahut.
Hadithin e shënon Tirmidhiu, Nesaiu një pjesë të tij, ibn Huzejmeh në sahihun e tij, ibn Hibani në sahihun e tij, Hakimi dhe ka thënë: Hadithi është autentik sipas kushteve të Buhariu dhe Muslimit, Albani e vlerësoi sahih.
Islamweb.net
Përktheu: Shpend Zeneli
