MËSIME DHE POROSI ISLAME ( 38 )
Shkaqet të cilat shpiejnë drejtë lumturisë së vërtetë (pjesa e katërt);
- Shiko atë që është më poshtë se ti, në çështjet e dynjasë dhe shiko atë që është më lartë se ti në çështjet e ahiretit (botës tjetër):
Kështu, na ka porositur edhe i dërguari i Allahut, Muhamedi, salallahu alejhi ue selem, ku thotë: “Shikoni tek ata që janë poshtë jush, mos shikoni ata qe janë më lart se ju, sepse kjo ju bën që mos ta nënvlesoni mirësinë e Allahut ndaj jush.” (Muslimi; 4/2275(2963), nga hadithi i Ebu Hurejres radijAllahu anhu).
Kjo, sa i përket në çështjet e dynjasë, ngase po ta shikoje atë që i ka punët më keq se ti, atëherë do ta kuptoje mirësinë e Allahut që ta ka dhuruar.
Kurse, në çështjet e ahiretit, shiko se kush i ka punët më mirê se ti, ngase përmes kësaj ti i sheh të metat dhe mangësit e tua, mos shiko në ata që janë shkatërruar, shiko tek ata që kanë arritur suksese, se si i arritën ato, ky shikim të jep shtytje drejtë suksesit dhe lumturisë në dunja dhe në ahiret.
- Mos u jep shumë pas dynjasë , lidhe zemrën tënde për botën tjetër;
Shejh Abdurrahman es S’adij, Allahhu e mëshiroftë, thotë: “Jeta është e shkurtër, mos e shkurto edhe më shumë atë me gjëra të kota.”
- Bindja e paluhashtme se lumturia e vërtetë e besimtarit është në botën tjetër e jo në këtë dynja;
Allahu, xhele ue ala, thotë: “Kurse fatlumët, do të gjenden në Xhennet, ku do të qëndrojnë përherë në të, derisa të jenë qiejt dhe Toka, përveç nëse ndryshe e cakton Zoti yt. Kjo është dhuratë e pashkëputshme.” (Hudë: 108 ).
Transmetohet nga Ebu Hurejra, radijAllahu anhu, se i dërguari i Allahut, Muhamedi, salallahu alejhi ue selem, ka thënë: “Dynaja është burgu i besimtarit dhe xheneti i jobesimtarit.” (Muslimi: 4/2272,2956).
Tregimi se si një çifut e pranoi Islamin në duartë e Hafidh Ibën Haxherit;
Hafidh Ibën Haxheri doli një ditë rrugës (ishte kryetarë i gjykatësve në Egjipt në kohën e tij) dhe aty pari kaloi një çifut i varfër. Iu afrua Ibën Haxherit dhe i tha; Ndalo, dua të të pyes diçka!? Ibën Haxheri u ndal. Ai i tha; Si e komenton fjalën e Profetit tuaj: Dynjaja është burgu i besimtarit dhe xheneti i jobesimtarit, e ti shumë po më sheh se jam i varfër dhe jobesimtar, kurse ti i pasur dhe me pozitë të lartë edhe pse je besimtarë!?
Hafidh Ibën Haxheri ia ktheu: Me të gjitha që i ke, varfërinë, sëmundjet, për ty llogariten xhenet në këtë dynja, duke krahasuar me dënimin e dhembshëm qe do e kesh në Xhehenem, nëse vdes si jobesimtarë! Kurse, unë, karshi tê gjitha këtyre mirësive që i kam, prërsëri llogaritet dynjaja burgu im, duke krahasuar mirësitë që mi ka përgatitur Allahu në Xhenetin e Tij, nëse vdes me iman dhe nëse Allahu më nderon dhe mi dhuron ato me mirësinë e Tij.
çifuti, ia ktheu: A kështu qëndron puna!? Ibën Haxheri i tha: Po! çifut tha: Dëshmoj se nuk ka të adhuruar me të drejtë pos Allahut dhe se Muhamedi është i dërguar i Tij.”
Shejh Nasir Ibën Sulejman el Umer
Nga arabishtja; Suad B Shabani
Burimi: albislam.com
