1. Largimi nga mëkatet sa të kesh mundësi, dhe përpjekja për të mos rënë në ato; e nëse të godet një gjendje e tillë kërko shumë istigfare-kërkim faljeje dhe pendohu.
2. Angazhimi në ndonjë punë shoqërore me anë të ndonjë vëllai/motre, në mësimin përmendësh të Kuranit, ndjekjen e ligjëratave islame apo çfarë do pune të preferuar, qoftë edhe vetëm një herë në javë.
3. Përkujdesja për faljen e namazeve vullnetare (nafile) sepse kjo është një nga faktorët më të rëndësishëm për ruajtjen e namazeve obligative (farze). Disa dijetarë kanë thënë: Lënia e suneteve është fillimi i lënies së namazeve obligative (farz).
4. Leximi rreth rëndësisë së namazit dhe shpërblimit të tij, njëherit edhe njohja me ndëshkimin për atë që e lë namazin dhe vonon atë nga koha e tij.
5. Gjithashtu, ajo që të ndihmon shumë është kultivimi i dashursë së madhe për Allahun dhe Muhammedin, alejhi selam, e kjo kërkon nga ti të njihesh me emrat e bukur të Allahut dhe cilësitë e Tij të larta, gjithashtu të njihesh me biografinë dhe virtytet e Muhammedit, alejhi selam, sepse zemra ndihmon trupin nëse mbushet me dashuri ndaj një pune.
6. Të përmendurit e Allahut zbut zemrën;bëje një orar për të thënë: Allahu Ekber, Subhanallah, Elhamdulilah, Lailahe ilallah, etj. dhe për të dërguar salavate mbi Muhammedin, alejhi selam, me rëndësi të thuhet edhe nëse nuk e thua çdo herë.
7. Në fund, duaja-lutja e veçanërisht natën, që Allahu ta mundësojë realizimin e këtyre mirësive, dhe ta lehtësoj nënshtrimin dhe dashurinë.
Përktheu: Valdet Kamberi, Preshevë
