Pyetje: nëse një ditë nga ramazani nuk e kam agjëruar dhe arrin ramazani vijues, si duhet të bëjë kompensimin !?
Përgjigje: All-llahu,- xhele veala !,- thotë:
فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ
“(jeni të obliguar për) Ditë të caktuara, e kush është i sëmurë prej jush ose është në udhëtim (e nuk agjëroi), atëherë ai (le të agjërojë) më vonë aq ditë.”[1]
Nëse pyetësi në fjalë me arsye ka lënë një ditë nga ramazani pa agjëruar, atëherë duhet të kompensoj këtë ditë duke çuar në vend obligueshmërinë e ramazanit, dhe personi në fjalë e ka për obligim që ta plotësoje në të njëjtin vit e jo ta vonojë kompensimin deri pas ramazanit tjetër.
Aishja,- Allahu qoftë i kënaqur me të!,- thotë:
“Unë kisha për të agjëruar disa ditë prej Ramazanit e nuk kam pasur mundësi t’i shlyejë ato, vetëm se në muajin Shaban.[2]
Ky është argument i qartë, prej të cilit marrim mësim se borxhi që ka mbetur në ramazanin e kaluar duhet të shlyhet para Ramazanit i cili vjen pas tij.
Porse, nëse e vonon deri pas Ramazanit të dytë, atëherë ai duhet t’i kërkojë falje All-llahut,- xhele veala!,- si dhe të pendohet tek Ai për atë që ka bërë.
Dhe në fund !
Ditët e mbetura pa agjëruar, muslimani duhet t’i kompensoj sepse kompensimi nuk bie nga detyrimi për shkak të vonesës.
Muhamed bin Salih El-Uthejmin, -Allahu e mëshiroftë!-.
Përktheu dhe përshtati nga arabishtja: Suad Shabani
Medine,20.05.2013
[1] Bekare: 184
[2] Buhariu
