Kur flasim për sahabët e të Dërguarit të Allahut (salAllahu alejhi ve sel-lem), i pari që na vjen në mendjen tonë prej tyre është Ebu Bekër Es-Sidik (Allahu qoftë i kënaqur me tël, dhe nuk ka dyshim se ai është shoqëruesi më i madh me konsensusin (pajtimin) e muslimanëve dhe Pejgamberit (salAllahu alejhi ve sel-lem). Ai ishte i pari nga muslimanët ditën e emigrimit (hixhretit), ishte i besueshëm kur ai u zhgënjye nga njerëzit më të afërt të familjes së tij dhe ai është prijësi i parë i muslimanëve pas vdekjes së Pejgamberit (salAllahu alejhi ve sel-lem).
Ai njihej me nofkët “Es-Sidik” (Besniku), për shkak se besonte në të Dërguarin e Allahut (salAllahu alejhi ve sel-lem), dhe në gjithçcka që ai thoshte, si dhe në shpalljen e tij, ashtu siç është edhe në historinë e Israsë dhe Miraxhit. Andaj, është obligim i yni – që të gjithë ne si muslimanë – të marrim nga personaliteti i këtij sahabiu të madh dhe të lexojmë rreth historisë së tij që ta kuptojmë besnikërinë e tij dhe pozitën e madhe që e ka ai në Islam.
PREJARDHJA E TIJ
Ai është Abdullah ibën Othman ibën Amir ibën Amri ibën Ke’ab ibën Sead ibën Tejm ibën Murreh ibën Ke’ab ibën Lu’je ibën ibën Galib ibën Kureshij Et-Tejmij, kjo është prejardhja e ndershme e këtij sahabiu të madh (Allahu qoftë i kënaqur prej tij), ‘Ebu Bekër’ është nofka e tij që tregon statusin e lartë të tij si dhe pozitën dhe prejardhjen e ndershme të tij, për shkak se fjala ‘El-Bekër” ka kuptimin diçka madhështorë në mesin e arabëve.
ARSYEJA PËR T’U QUAJTUR ‘ES-SIDIK’ (BESNIKU)
Arsyeja për emërtimin me këtë nofkë është për shkak të madhështisë së besimit të tij në të Dërguarin e Allahut (salAllahu alejhi ve sel-lem), duke përfshirë këtu edhe historinë e Israsë së të Dërguarit të Allahut (salAllahu alejhi ve sel-lem), nga Xhamia e Shenjtë (Qabeja) në Xhaminë El-Aksa (Kuds), në periudhën kur shumica e njerëzve gënjenin e ai ishte nga ata që i besuan atij, (salAllahu alejhi ve sel-lem), pa hezitim, e kështu duhet të jetë shoku.
BASHKËSHORTET E SIDIKUT (BESNIKUT) DHE PASARDHËSIT E TIJ
Ai, (Allahu qoftë i kënaqur prej tij), u martua me katër gra dhe i kishte tre vajza. Gratë e tij ishin: Kutejleh bint Abduluzze, Umu Ru’man bint Amir bint Uvejmir, Esma bint Umejs dhe Habibeh bint Harixheh, (Allahu qoftë i kënaqur prej gjithë atyre). Ndërsa vazjat e tij ishin: Esma, Aishe dhe Umu Kulthum, (Allahu qoftë i kënaqur me ta).
ISLAMI DHE EBU BEKËR ES-SIDIK, ALLAHU QOFTË I KËNAQUR PREJ TIJ
Ishte ai, (Allahu qoftë i kënaqur prej tij), që para se t’i përfundonte misioni të Dërguarit të Allahut (salAllahu alejhi ve sel-lem), vazhdimisht meditonte rreth asaj që ka krijuar Allahu, duke u thelluar në mendime dhe koncentrim, duke u informuar rreth ligjeve të popujve të mëparshëm, si të krishterët po edhe hebrenjtë, i ka dëgjuar ata dhe ndejat e tyre. Ai ishte që posedonte dituri ashtu siç ishte i afërt me të Dërguarin e Allahut (salAllahu alejhi ve sel-lem), dhe ishte shok me të. Kur Allahu e dërgoi Pejgamberin e Tij, (salAllahu alejhi ve sel-lem) me mesazhin e Tij, ishte Ebu Bekëri, (Allahu qoftë i kënaqur me të), i pari nga burrat që i besuan.
VDEKJA E TIJ
Ai, (Allahu qoftë i kënaqur prej tij), vdiq në vitin e 13 hixhrij, ndërsa mosha e tij ishte 63 vjet, aq sa ka qenë edhe mosha e të Dërguarit të Allahut (salAllahu alejhi ve sel-lem).
Shkroi: Murad Esh-Shevabikeh
Përktheu dhe përshtati nga gj. arabe: Amir Shabani
