Historia e biografisë islame ka shkrime të shumë prej shokëve të Pejgamberit (salAllahu alejhi ve sel-lem), që kishin pozicionet e tyre, si dhe shënimet e tyre për arritjet dhe sakrificat e plota në përkrahjen e paqes së Pejgamberit (salAllahu alejhi ve sel-lem) dhe fjalën e fesë, dhe në krye të këtyre shokëve ishin kalifët e drejtë, (Allahu qoftë i kënaqur me ta), dhe u shfaq në mesin e tyre Omer ibn HATTABi, i njohur me nofkën Faruku, (Allahu qoftë i kënaqur me të). Ishte një udhëheqës i shquar dhe i drejtë, thuaj se nuk ka udhëheqës të tillë në historinë njerëzore si nga periudha e kaluar po edhe nga ajo moderne. Cila është biografia e Farukut, (Allahu qoftë i kënaqur prej tij)?
LINDJA E OMER IBN HATTABIT
Omer ibn Hattabi, (Allahu qoftë i kënaqur prej tij), ka lindur në Mekë, në vitin 590, afërsisht trembëdhjetë vite pas lindjes së Pejgamberit (salAllahu alejhi ve sel-lem). Prejardhja e tij është nga Beni Udej ibn Ka’b, i cili është Adevi Kurejshi.
SI NJIHEJ OMERI NË KOHËN E INJORANCËS?
Omeri, (Allahu qoftë i kënaqur me të), në kohën e injorancës ka qenë i njohur si kalorës dhe i guximshëm në dyluftim. Ai e donte mundjen, hedhjen me shigjetë (nga harku), flokët, kalërimin , ai gjithashtu mësoi të lexonte dhe të shkruante dhe ishte i aftë në të.
OMERI DHE THIRRJA ISLAME
Omeri, (Allahu qoftë i kënaqur prej tij), e refuzoi thirrjen islame në fillim dhe ai ishtë njëri ndër njerëzit dhe pabesimtarët më të vështirë. Madje transmetohet se ai kishte një robëreshë të cilën e kishte torturuar deri sa ajo është kthyer në fenë e mëparshme të saj dhe e la atë me mallkim. Kur erdhi dhe e pa se çfarë kishte ndodhur me hallën e Ebu Xhehlit, me mashtrimin dhe ndëshkimin nga Hamzan, (Allahu qoftë i kënaqur prej tij), vendosi që të shkojë dhe ta mbyte të Dërguarin e Allahut (salAllahu alejhi ve sel-lem). Kur hyri aty e pa Pejgamberin (salAllahu alejhi vel-lem), se si ua ndante fenë atyre dhe ua përshtatke shkaqet për të ecur në rrugën e tij. Një burrë nga Beni Udejj i dha atij një paralajmërim për këtë dhe i tregoi atij për besimin e motrës së tij Fatimes dhe të shoqit të saj Said ibn Zejd me mesazhin për ta bërë Omerin të zemëruar dhe kur shkoi në shtëpinë e motrës së tij dhe me të hyrë në të, e gjeti sahabiun Hababin, (Allahu qoftë i kënaqur prej tij), duke ua mësuar atyre Kur’anin. Omeri e rrahu motrën dhe bashkëshortin e saj. Pastaj, në një moment të caktuar, Omeri, (Allahu qoftë i kënaqur prej tij), i dëgjon ajetet e Kur’anit dhe depërtuan në gjoksin e tij dhe vendosi që t’i besojë mesazhit hyjnor, pesë vite pasi kishte filluar misionin i Dërguari i Allahut (salAllahu alejhi ve sel-lem).
NDIKIMI I IMANIT (BESIMIT) TË OMERIT NË THIRRJEN E TIJ
Imani (besimi) i Omerit u bekua nga lutjet e Pejgamberit (salAllahu alejhi ve sel-lem), dhe ai shpresonte që Allahu ta mbrojë këtë fe me njërin prej dy personave. Një nga sahabët shprehu situatën e muslimanëve kur u kthye në Islam, duke thënë: “Ne jemi ende krenarë për Omerin.”
HILAFETI (UDHËHEQËSIA) E OMERIT DHE MUNDIMET E TIJ
Hilafeti (udhëheqësia) e tij u bë pas vdekjes së Ebu Bekr Es-Siddikut në vitin 13 hixhrij. Hilafeti i tij ishte një shembull i drejtësisë dhe udhëzimit dhe u shtri në epokën e shtetit për të përfshirë Persinë, Irakun, Sirinë, Egjiptin, Bejt el-Makdisin, Libinë dhe Sixhistanin. Ai vdiq pasi u vra nga Ebu Lu’le El-Mexhusij, Allahu e mallkoftë atë, në vitin 24 hixhrij, pas një jete plot ndjeshmëri, nënshtrim (ndaj Allahut) dhe sakrificë.
Shkroi: Talal Mesh’al
Përktheu dhe përshtati nga gj. arabe: Amir Shabani
