“Kjo ndodh se Allahu nuk ia ndryshon kurrë një begati që ia ka dhënë një populli, derisa ata të ndryshojnë atë që kanë në veten e tyre. Vërtet, Allahu dëgjon dhe di gjithçka.” Enfal: 53
Ibën Kajimi, Allahu e mëshiroftë, ka thënë: “Allahu i madhërishëm na ka treguar që nuk ia heq (ndryshon) askujt begatitë të cilat ia ka dhënë përderisa ai vetë nuk ndryshon në veten e tij duke e zëvendësuar bindjen ndaj Allahut me mëkatim, falënderimin me mohim dhe shkaqet e pajtimit të Zotit me shkaqe të cilat e hidhërojnë Atë. Kur të bëjë këtë ndryshim, i bëhet edhe ndryshimi nga Allahu, plotësisht qysh e meriton “e Zoti yt nuk u bën padrejtësi robërve” (Fussilet: 46)
Nga ana tjetër, nëse mëkatimin e zëvendëson me bindje ndaj Allahut, Allahu dënimin ia zëvendëson me falje ndërsa nënçmimin me krenari” Allahu i madhërishëm thotë: “Me të vërtetë, Allahu nuk e ndryshon gjendjen e një populli, derisa ata të ndryshojnë ç’kanë në vetvete. Kur Ai dëshiron ta ndëshkojë një popull, askush nuk mund ta pengojë Atë; dhe ata, përveç Tij, s’kanë asnjë ndihmës.” (R’ad: 11)
El-Xhevab El-Kafi, fq: 75
Përktheu nga arabishtja:
Agim Bekiri
11/09/2018
