Allahu i Lartëmadhëruar ka thënë: “Po kështu me urdhrin tonë Ne të shpallëm edhe ty shpirtin (Kur’anin). Ti nuk ke ditur çka është libri (Kur’ani) as ç’është besimi, por Ne atë e bëmë dritë me të cilën e vëmë në rrugë të drejtë atë që dëshirojmë prej robërve tanë.” [Shura: 52]
Ibn Kajjimi, Allahu e mëshiroftë, ka thënë: “Nuk ka shpirt pos Kur’anit dhe nuk ka dritë përveç asaj që e ndriçon Kur’ani. Ai është jetë, dritë, mbrojtje, shërim, shpëtim dhe siguri.”
Poashtu ka thënë: “Kur’ani ka bashkuar shpirtin me të cilin arrihet jeta dhe dritën me të cilën arrihet ndriçimi dhe shkëlqimi. Dhe Ai na kallzoi në librin e Tij nëpërmjet të Dërguarit salAllahu alejhi ve sel-lem, duke përfshirë të dy urdhërat:
- është shpirti që jeton në zemrat; dhe
- është drita që ndizet dhe shkëlqen në të.”
O Allah, na furnizo me dritën e Kur’anit dhe na e ndriço jetën tonë me Kur’an.
Shejh Muhammed Husejn Jakub
Përktheu dhe përshtati nga gj. arabe: Amir Shabani
