HADITHI:
Kutbeh ibën Malik (Allahu qoftë i kënaqur prej tij) përcjell dhe thotë: i dërguari i Allahut (paqja dhe bekimi i Allahut qofshin mbi të) thoshte: “O Allah, më largo nga sjelljet e këqija, nga veprat, epshet e sëmundjet e këqija.”[1]
KOMENTI:
Kjo është një prej lutjeve të profetit (paqja dhe bekimi i Allahut qofshin mbi të) ku thotë: (O Allah, më me largo nga sjelljet e këqija, nga veprat, epshet e sëmundjet e këqija), u përmendën katër gjëra:
(sjelljet e këqija) si; sharrja, fyerja, përgojimi, thashethemet, gënjeshtrat, çdo fjalë që është haram dhe fjalë e keqe. Dhe haramet e veprave.
(nga veprat) si; shirku e mëkatet.
(epshet), atë që nefsi e dëshiron, e që në përgjithësi nefsi të nxit kah punët e këqija, e lakmon të keqen, pos atë që Allahu e ka mëshiruar, ngaqë rreziku më i madh për njeriun është epshi i tij, Allahu thotë: “E, kush vallë, ka humbur më tepër se ai që ndjek pasionin e vet, pa udhëzim prej Perëndisë? Perëndia, me të vërtetë, nuk e udhëzon popullin zullumqarë.” Sureja Kasas, 50.
E që njeriu epshin e tij mund ta konsiderojë zot, Allahu thotë: “A e ke parë ti atë, që epshin e vet e ka marrë për hyjni? A don t’i bëhesh mbrojtës atij?.” Sureja Furkan, 43.
Epshi i tij e urdhëron e ai vepron sipas urdhrave të tij, e ndalon dhe ai braktis atë që i ka ndaluar, kështu që epshi i tij është ai i cili urdhëron dhe ndalon për të, e nuk është Allahu, Allahu na faltë.
(e sëmundjet e këqija), sëmundjet kronike, si; lëbroza, sëmundjet ngjitëse, kanceri, e sëmundjet e tjera të pashërueshme, prej të cilave i dërguari (paqja dhe bekimi i Allahut qofshin mbi të) kërkoi mbrojtje.
Autor: Salih ibn Feuzan el Feuzan
HADITHE MBI MORALIN DHE ETIKËN TË PËRMBLEDHURA NGA LIBRI (BULUG EL MERAM)
HADITHI I PESËDHJET E NJË
Përktheu: Shpend Zeneli
[1] E shënon Tirmidhiu me numër (3591), Hakimi (1/523). Shejh Albani e vlerësoi autentik në (Sahih Sunen Tirmidhi) (3/473).
