1. Allahu, xhele ue ala, ka thënë; “Pastaj Ne u lamë në trashëgim librin robërve Tanë që Ne i kemi zgjedhur; e prej tyre ka që janë dëmtues të vetëvetës, ka që janë mesatarë, e ka prej tyre që janë më ndihmën e Allahut, të parët në punë të mira, kjo është ajo mirësia e madhe.” (Fatir; 32).
Muslimanët ndahen në tre kategori: 1. Dëmtues të vetvetes; Është ai i cili ka vepra të mira por edhe vepra të këqija. Ka vërtetuar njësimin e Allahut(shehadetin La ilahe ilallah), por e ka dëmtuar veten me disa mëkate. 2. Mesatarë; Është ai që ka vepruar vepra të mira dhe është larguar nga gjërat e ndaluara, mirëpo nuk ka shumë shtesë të veprave vullnetare. 3. Ata që ua kaluan të tjerëve dhe shpejtuan në vepra të mira; Ata që kryen vepra të mira, u larguan nga të ndaluarat, u larguan nga gjërat e dyshimta dhe të urrejturat, u larguan edhe nga disa gjëra që janë të lejuara, vetëm e vetëm të mos jipen pas dunjas dhe bukurive të saj. Janë ata për të cilët, Allahu, tha; “Vërtet, ata të cilët ndaj madhërisë së Zotit të tyre kanë frikë.” (El Mu’minun; 57).
Shejh Abdullah el Humejdi, rahimehullah
2. Allahu, xhele ue ala, ka thënë; “Kështu i mbështetet Allahut, Ai i mjafton atij.” (Talak; 3).
Kush ia dorëzon tërë çështjen e tij Allahut, xhele ue ala, Allahu do t’i mjaftoj atij dhe do ta mbroj dhe ruaj atë nga çdo e keqe dhe çdo kurth që mund të vij nga armiqtë e tij.
Shejh Abdullah El Humejdi, rahimehullah
3. Allahu, xhele ue ala, ka thënë: “Ai, që ia shpall Furkanin (Kur’anin, dallues të së vërtetës nga e pavërteta) robit të vet (Muhammedit) që të bëhet pejgamber i botes (këshillues), është i madhëruar.” (El Furkan; 1).
Pra, për t’i këshilluar dhe qortuar nga përfundimi i keq si pasoj e veprave të tyre të këqija. Gjithashtu, qortues për idhujtarët që nëse vdesin në gjendjen qysh janë do jenë përgjithmonë në zjarrin e Xhehenemit. Qortues për mëkatarët të cilët nuk ndalojnë së kryeri mëkate dhe se ata e hidhërojnë Allahun dhe nëse vazhdojnë pa u penduar, i ekspozohen dënimit të Allahut. Por, njëherit edhe përgëzues për ata që i binden Allahut , xhele ue ala dhe të dërguarit të Tij, salallahu alejhi ue selem!
Shejh AbdulKerim el Hudajri
Nga arabishtja; Suad Shabani
