Mos ki frikë nga e nesërmja… por kujto Atë që e përgatit me mëshirë.
Ndoshta lodhesh duke menduar për të ardhmen, ndoshta frika nga e panjohura të errëson zemrën…por ndalu një çast, merr frymë thellë, dhe thuaj:”Çështjen time e rregullon Ai që më deshi para se ta njihja vetëveten.”
Ai që mbështetet tek Allahu, nuk trembet nga rruga që nuk e sheh.Ai që beson në urtësinë e Tij, nuk frikësohet nga e nesërmja që s’ka ardhur ende.
Mos ji në një të ardhme që ende nuk ekziston, e mos qaj për një të kaluar që tashmë është mbyllur.Jetën tënde e udhëheq një Zot që të do më shumë se sa e kupton.
“Ndoshta urreni diçka, por ajo është e mirë për ju…” (Bekare: 216)
Ndaj… ec përpara i qetë:Zoti që të mbrojti dje, do të të mbrojë edhe nesër.Vetëm besoje, dhe shijo paqen që Ai e derdh mbi ata që i besojnë plotësisht.
Hoxhë Agim Bekiri 27/04/2025
