Shkruar nga Mahmud Ebu Adi
Profesori spanjoll Gaspar Mayral ka zbuluar se fjala Risk në anglisht (rrezik) e ka prejardhjen nga fjala arabe Rizk (furnizim) (رزق).
Kjo lidhje historike nxit pyetjen: Cili është raporti mes rizkut (furnizimit) dhe rrezikut (risk) te myslimanët?
Në konceptin islam, rizku është nga Allahu dhe nuk varet nga përpjekjet njerëzore ose ndërmjetësit si punëdhënësit apo klientët. Kjo bindje çliron njeriun nga frika e humbjes dhe e së ardhmes, duke nxitur guximin dhe sipërmarrjen, siç dëshmohet nga historitë e tregtarëve myslimanë që përballuan rreziqe të mëdha në kërkim të rizkut.
Ndërkohë, sot, koncepti i rizkut te myslimanët është deformuar. Edukimi modern nxit lidhjen e vlerës së njeriut me profesionin dhe punësimin, duke e kthyer atë në një “makinë ekonomike” të kontrolluar nga frika e humbjes së punës.
Ky model përforcohet nga sistemi neoliberal që, sipas filozofit Maurizio Lazzarato, e shndërron njeriun në një qenie të mbytur nga borxhet dhe e robëron mendërisht.
Në përfundim, autori thekson se: Rizku nuk është vetëm një besim fetar, por edhe një mënyrë jetese që mbron integritetin moral dhe fuqinë vepruese të myslimanit.
Nga arabishtja: Hoxhë Agim Bekiri28/04/2025
